Motî:platchter

Èn årtike di Wikipedia.
(Redjiblé di Motî:platchteuse)
Potchî a: naiviaedje, cweri

Wiktionary-logo.svg

Li mot "platchter" est recråxhî sol Wiccionaire

platchter (codjowaedje)

I. [v.s.c.]

1. vanter ene sakî ådla, po saetchî èn advintaedje di leye. Elle a bén dvou platchter po raveur si galant (Motî d' Vervî). I platchtêye todi åtoû do mayeur (Motî d' Bastogne). Loukîz a : flater, froter l' mantche.

2. martchoter. Dji n' såreu tant platchter po on cwårt di franc (Motî d' Vervî).

3. tchicter. Li docteur a bén platchté divant d' trover çou k' dj' a. F. hésiter, tergiverser. >> dire sins platchter: dire platezak. F. carrément.

II. platchter a [v.c.n.d.] tchicter a. I fåt todi k' i platchtêye a ene sôre u l' ôte. Vola ene eure k' i platchtêye a l' ôrlodje. F. bricoler, chipoter.

III. [v.c.] gåter, esse trop vayant (avou des efants, evnd). Vos platchtez bén trop avou vos efants. Loukîz a : adolmidjî, pouri. F. dorloter.

| platchtåd, e platchtåd, e [o.f.n. & addj., purade padvant] li ci (cene) k' endè platchtêye èn (ene) ôte. Loukîz a : flateu, blanke panse, plate panse, froteu d' mantche, frote-mantche. F. flagorneur (euse).

| platchteu, platchteuse u platchtêyresse [o.f.n.] li ci (cene) ki platcheye.

| platchtreye [f.n.]

1. çou k' el platchteu(se) dit tot platchtant. I n' sait fé k' des platchtreyes. Dji sai çou ki vs voloz avou vos platchtreyes. I n' freut nén tant d' platchtreyes por mi. Loukîz a : flatreye. F. courtisanerie, flatterie.

2. martchotaedje, tchictireye. Nén tant d' platchtreyes: el prinss u nel prinss nén ? F. hésitation, marchandage.

3. tchictaedje, tchipotaedje åtoû d' ene sacwè d' målåjhey. Fé on diccionaire, c' est ene bele platchtreye (Motî da Scius). F. chipotage, complexité, complication.

Etimolodjeye et tcherpetaedje[candjî | candjî l' côde wiki]

platchter 
viebe fwait sol bodje "platch" (mot-brut).
platchtåd 
Cawete -åd
platchtreye 
Cawete -reye

Disfondowes[candjî | candjî l' côde wiki]

platchtåd 
platchtaud, -e, platchtâd, e.