Motî:plouve

Èn årtike di Wikipedia.
Sauter à la navigation Sauter à la recherche

plouve [f.n.] aiwe ki toume djus des nûlêyes, gote a gote. Les nûlêyes candjèt a plouve. I fåreut del plouve, i fwait trop setch. Cwand les plouves vinèt a muzeure, ele fijhèt l' rôtijhon bele (ramexhné pa J.J. Gaziaux). Co todi l' plouve ki tchait, ki tchait a rlaye di bok (E. Dumont). Gn a ene pitite fene plouve ki disgolene djus des nouwêyes (L. Mahin). C' est ene boune tere, ki l' plouve mouye sins aduri (P.J. Dosimont). Fr. pluie. >> vint d' plouve: vint k' amoenne del plouve (el Walonreye : vint do Coûtchant). Loukîz a: schoice-vint. >> fé (ene sacwè) al plouve: î aler tins k' i ploût. T' irès fener al plouve, twè ! >> esse ribatou del plouve: esse metou la k' i ploût foirt. Fr. exposé à la pluie.

Ôtès ratourneures[candjî | candjî l' côde wiki]

po-z anoncer l' tins, u ndè djåzer[candjî | candjî l' côde wiki]

>> Plouve di dvant l' Sint-Djan est boune; après l' Sint-Djan, elle est mwaijhe: li Sint-Djan, c' est li cminçmint d' l' esté: i fåt do solea et nén del plouve.

sol tinme del ratindance del plouve[candjî | candjî l' côde wiki]

>> Ene boune tchôde plouve våt d' l' ôr; u: Li plouve, c' est do tins do Bon Diu: dijhêye cwand k' ploût après k' il åye yeu fwait setch. >> Ene tchôde plouve est todi boune pol waezon: dijhêye po rire a ene sakî ki n' a pont d' tchapea et k' i ploût (e l' esté).

sol tinme d' on tins avou bråmint del plouve[candjî | candjî l' côde wiki]

>> Dj' estans bon po del plouve: il est dandjreus po ploure. >> I ploût et i plourè, dit-st i l' bierdjî a s' tchén: dijhêye cwand on voet k' i n' vout nén djoker d' ploure. >> des grossès plouves: des foitès plouves. Loukîz a: drache, lavasse, walêye.

ratourneures imådjreces[candjî | candjî l' côde wiki]

>> fé ene figueure come cwate samwinnes di plouve: fé ene laide tiesse, esse mwais (mwaijhe). F. "tirer une sale tête". >> Ene pitite plouve fwait toumer on grand vint; u: Ene pitite plouve abat on grand vint: a)cwand i fwait bråmint d' l' air, et k' i gn è vént del plouve après, li vint tume b) ene pitite algaråde solåceye deus djins k' estént so leu niers. >> I fwait la plouve et l' bea tins: i cmande tertos, a l' asulon d' ses zines. >> Après l' plouve, li bon tins: après k' on-z a stî måvlé, on resse al boune. >> On sint todi do costé k' el plouve vént: on ricnoxhe todi bén les cis ki vos vlèt fé do toirt. >> I (ele) n' est nén tcheyou (-owe) del dierinne plouve: c' est on sûti, ene sûteye.

Parintêye[candjî | candjî l' côde wiki]

Disfondowes[candjî | candjî l' côde wiki]

plouve : ploûve, >, plûve, plouve, plève, piëve, plêve, plëve, pleuve, pieuve, plwève, pwève, plwêve, plâve, plave, pwave, plove, plëwe, pleuwe, plèwe, plêwe, ploû, plûye ; miersipepieuzmint el mape A.L.W. 3. 14 ey el notule A.L.W. 3. 54.

Sicrijhas ezès motîs[candjî | candjî l' côde wiki]

plouve 
plêve [G203], plëve, pleuve 1 [O2, G203], plouve [G203], ploûve [G203], plûve [S117], pleûve [G203], pieûve [G203], plève [G203], plwève [G203], pwève [G203], plêve [G203], plwêve [G203], plâve [S117, G203], plave [S2, S117, G203], pwave [S0, G203], plove [G203], pleuwe, pleûwe, plèwe, plêwe, ploû, plûye [G203]. [1]

Hårdêye divintrinne[candjî | candjî l' côde wiki]

Sourdants[candjî | candjî l' côde wiki]

  1. Loukîz al Djivêye des motîs.