Motî:poûssant

Èn årtike di Wikipedia.
Potchî a: naiviaedje, cweri

poûssant, poûssante

I. [o.f.n.] li ci (cene) ki ki vs aide po-z aveur ene bele plaece, èn advantaedje nén merité. Il a yeu del tchance d' aveur on bon poûssant po-z intrer al banke (J. Coppens). Leus peres, des grands monsieus d' Bouyon, avént des poûssants pus hôt (L. Mahin). rl a: poûssåd. F. piston, relation, appui.

II. [addj.] ki poûsse, ki fwait poûssî. >> poûssant må: må å vinte a cåze di l' efant ki poûsse, å cminçmint d' l' acoûtchmint, d' ene fåsse coûtche. Dj' a yeu on poûssant må, et ene munute après, dj' aveu fwait l' efant ki n' s' aveut nén diswalpé dispu ene troejhinne di moes. F. contraction utérine. >> aveur les poûssants mås u esse dins les poûssants mås: esse presse a-z acoûtchî. F. douleurs de l'accouchement.

Etimolodjeye : bodje poûssî, cawete -ant.

| poûssance [f.n.]

1. troke di djins ki disfindèt ene idêye. Fåreut monter ene sitocasse poûssance po les cayets d' walon, ene sacwè k' åreut åk a dire amon les politikîs, k' i nd årént minme sogne (L. Mahin). F. lobby, groupe de pression.

2. l' ovraedje d' ene sifwaite troke di djins po-z adiercî leu côp. S' i gn a nén ene poûssance eturnåcionåle po l' idêye di wårder les ptits lingaedjes å 21inme sieke, end a mwintes did zels ki vont tourner e cou d' poyon. rl a: poûssåjhe, boutance. F. lobbying, pression.

3. poûssaedje ki deure toltins. Et pu, gn a surmint co ene poûssance do francès, sol prononçaedje e walon di dijh-nouv, avou "jh", mins "di-set", avou on scawé "dijh" (L. Mahin). Serîz d' acoird k' on mete ene ekipe di rfondeus el tiesse del soce, avou tote li poûssance metowe so li csemaedje do rfondou ? F. influence, importance, prépondérance, insistance, accent. Ingl. emphasize.

4. aidance. Li Redjon Walone, diviè les anêyes 2010, aveut decidé di dner ene sifwaite poûssance å lingaedje walon.

Etimolodjeye: cawete -ance, 1994.