Motî:prusti

Èn årtike di Wikipedia.
(Redjiblé di Motî:prustixhaedje)
Potchî a: naiviaedje, cweri
prustixhaedje del påsse ås pwins

prusti (codjowaedje) [v.c.]

1. pougnî tofer dins (del påsse), pol fé prinde. Mi pere ou mi, nos molîs l' grin al mwin; mi mame prustixheut l' påsse el mwaiye et pu, si dj' aveu l' aweure d' esse el måjhone, dji ratindeu k' on mete a cure (E. Sullon). Abraham si dispaitcha po rmoussî e s' toetea et dire a Sara: «Abeye! Prustixhoz troes mezeures di fleur di farene et fé do pwin.» (Li Djneze, ratournêye pa L. Hendschel). Overe, boledjî, Et fwai t' mestî Li påsse a levé; Prustixh li gougnot; Fwai l' doûs et bén rond (L. Bukens). Magrouyîs, spotchîs dins Ses mwins, Nos n' ershonnrans pus a grand tchoi Cwand l' Bon Diu prustirè s' nouve påsse (R. Mayence). F. pétrir, malaxer. >> ci n' est nén l' ci ki prustixh ki magne li tåte: dijhêye cwand ene sakî aprestêye po-z aveur ene sacwè, et k' c' est èn ôte ki l' a.

2. pougnî tofer dins (ene mole sacwè, on coir di djin). Nanete rissaetcha s' panti; ele prustixha londjinnmint ses pîs tot houzés (J.P. Dumont). I l' disgostéve ene miete et ele sopoirtéve må k' i prustixhaxhe si tchå avou ses schaveusès mwins (J.P. Dumont). Loukîz a : capougnî, bressî, tchåspougnî, cafroyî. F. pétrir, palper, brasser, triturer, masser.

3. (imådjreçmint) rinde (ene sakî) come on vout k' ele soeye. L' atulî nos hape po nos prustit come i prustixh do fier gletant, ele keuve ki spite, l' acî ki cole, el veule ki crape (F. Dewandelaer). F. pétrir, façonner.

| prustixhaedje [o.n.] no d' fijhaedje et no di çou k' est fwait (accion eyet si adierça) pol viebe "prusti". F. pétrissage.

| prustixheu, prustixheuse, u prustixhresse

I. [o.f.n.] li ci (cene) ki prustixh. F. pétrisseur.

II. prustixheuse [f.n.] machine ki prustixh otomaticmint l' påsse. F. pétrin mécanique, pétrisseur.


Minme sourdant etimolodjike :

Mots d' aplacaedje