Motî:rabiyî

Èn årtike di Wikipedia.
(Redjiblé di Motî:rabiyeu)
Sauter à la navigation Sauter à la recherche

rabiyî (codjowaedje)

I. [v.c.]

1. rimete les mousmints a (ene sakî). Torine s' aveut rabiyî a môde di djin, sins rovyî on boton ni leyî trinner on tchvea so ses tchifes ou so s' front (L. Hendschel). Loukîz a : ratîtoter. F. rhabiler.

2. atchter des noveas mousmints. Il ont stî rabiyî les efants po Påke. Il est rabiyî tot noû. >>  rabiyî ses råjhons: tuzer. I s’ va ashir so l' hourêye del vå, po rabiyî ses råjhons (C. Denis). F. faire le point. >> esse bén rabiyî ; u : >> esse rabiyî d’ aleure: (tot cåzant contråve) esse må prins. On dit eto: esse gåy. F. "être dans de beaux draps".

3. (imådjreçmint) rabeazi. On sorire a vnou rabiyî s' vizaedje (L. Somme). Padzo tos les paxhis rsetchis, dj' a efoncî des mots, pinsant rabiyî l' yebe ki, dispu si lonmint, n' a pus d' vert dins ses iys (F. Duval). F. enjoliver, orner.

II. si rabiyî [v.pr.]

1. si rmoussî. Les djouweus pousnut on « hip hip hip howé », repeté troes côps et wangnut les vestiaires pos s' discroter et s' rabiyî (F. Barry). F. se rhabiller. >> esse bén rabiyî ; u : >> esse rabiyî d’ aleure: (tot cåzant contråve) esse må prins. On dit eto: esse gåy. F. "être dans de beaux draps".

2. s’ atchter des nouvès lokes. Paski les femes, zeles, ele alént a Tamene po s' rabiyî, al Tintåcion (J. Schoovaerts).

3. si moussî. On veyeut les feyes, des djonnès femes et cobén l' fi d' on vijhén rabiyî a sôdår (J.L. Fauconnier). F. s’habiller.

4. ribate ene meule di molén. F. retailler.

| rabiyaedje [o.n.] no d' fijhaedje et no di çou k' est fwait (accion eyet si adierça) pol viebe " rabiyî ". Dj' a disboursé m' cwénzinne pol rabiyaedje di mes efants (Motî del Lovire). F. "rhabillage, achat de nouveaux vêtements".

| rabiyeu [o.n.] ome di mestî ki rabeye les meules di molén. F. "tailleur de meules".

Etimolodjeye et tcherpetaedje[candjî | candjî l' côde wiki]

rabiyî 
viebe "abiyî", betchete ri-

Sicrijhas ezès motîs[candjî | candjî l' côde wiki]

rabiyî 
rabiyî [O3]
rabiyaedje 
rabiyâdje [O3]] [1]

Hårdêye divintrinne[candjî | candjî l' côde wiki]

Dipus d' racsegnes sol rabiyaedje des meules di molén

Sourdants et pî-notes[candjî | candjî l' côde wiki]

  1. Loukîz al djivêye des motîs.