Motî:raezer

Èn årtike di Wikipedia.
(Redjiblé di Motî:raeze)
Sauter à la navigation Sauter à la recherche

Wiktionary-logo.svg

Li mot "raezer" est recråxhî sol Wiccionaire

raezer

I. [v.c.]

1. côper les poys å raeze del pea. Les cinsîs ont ddja raezé les vatches divant ki l' årtisse n' arive pol botnire. >> On n' ramasse waire di linne e raezant l' cou a on pourcea: po onk k' eterprind èn ovraedje k' on sondje k' i n' wangnré waire di cwårs avou.

2. distrure pår. A l' Ofinsife da Von Rouchted, tot l' viyaedje a stî raezé.

3. rissaetchî les schoices et les setchès coxhes des sapéns abatous, avou l' raezete.

4. tirer les ptitès eriesses d' on shabot, avou on raezoe.

5. (imådjreçmint) peler les coisses. Il nos a co vnou raezer avou si aclevaedje di colons (A. Vidal). rl a: raeziner.

II. si raezer [v.pr.]

1. si côper les poys. Ele si raeze dizo les bresses. >> esse raezé al hatchete u s' awè raezé drî on bouxhon: esse må raezé.

2. s' ascwati I s' a raezé dins ene bôre di singlé, tins k' les gårs passént.

3. en si nén mostrer, èn rén dire. I s' a raezé tot do lon do procès. Franwal: ahåyant po: adopter un profil bas, raser les murs.

| raeze [f.n.] dins l' ratourneure a raeze: a) fén plin, djusk' å boird. Il a vudî del gote a raeze. rl a: a houpe, a raschate; rl a: åraeze. b) djusse å livea del pea, tot cåzant d' on raezaedje si rtaeyî les poys a raeze.

| raezoe [o.n.]

1. usteye po s' raezer. Il s' a ratchté on raezoe electrike. rl a: rabot. >> côper come on raezoe: côper bén, tot djåzant d' on coutea rawijhî, evnd. >> Ass pierdou t' raezoe: riprotche a ene sakî k' est må raezé.

2. pitit pexhon a) po s' fote d' on pexhaedje da kéconk. I pexhive dins Smwè. - Cwè ass prin, hê, Mimile - O dji n' a apici k' des raezoes (ramexhné pa L. Mahin). b) pitit tene pexhon ki sieve d' amoice pol brotchet.

3. tafiåd Li Madjrote, on pout dire ki c' est on raezoe, la, ça !

| raezaedje [o.n.] accion di raezer et si rzultat. On savon pou après l' raezadje. Al fén, cwand l' shabot esteut plané et creuzé, i dmerot co l' raezaedje, pus l' polixhaedje.

| raezire [f.n.] usteye do boledjî, po rnetyî les mwaiyes. On ramasse les restants d' påsses ki colèt dins l' mwaiye avou ene raezire (A. Carlier & W. Bal). F. racloir.

| raezoûle [f.n.] raezire.

| raezeure [f.n.] pitits rututus do raezaedje des shabots.

| raezeu, raezeuse u raezresse [o.f.n.]

1. ovrî, ovrire k' acheve les shabots.

2. sakî ki raeze (copurade avou l' sinse di peler les coisses).

| raezif, e [addj.] k' a les poys a raeze. On rossea tchén raezif. Il ont on fok terî raezif: ké hagnûle pitit tchén po ça ! F. à poil ras, à poil court.