Motî:raploure

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "raploure" est recråxhî sol Wiccionaire

raploure (codjowaedje)

I. [v. sins djin] dins l' ratourneure: ploure et raploure: ploure bråmint et lontins. Vola on moes k' i n' fwait ki d' ploure et raploure (Motî d' Vervî). F. pleuvoir.

II. [v.s.c]

1. rariver tot d' on côp. Gn a rén k' èn accidint po fé rapoûler les djins. Il a ristî e condjîs avou l' feme (k' i n' est pus avou lu), pus cwand il ont rivnou, il a raploû dé les parints. A cwatre eures, les efants racourèt di scole, et raploure e leu måjhone (E. Gilliard). F. revenir, venir se réfugier.

2. rariver a bråmint. Les etrindjirs vont co raploure a Lidje; il î raplovèt dedja (H. Forir). Rén d' té po vey raploure les camaerådes ki di wangnî l' gros lot (Motî del Hesbaye). S' i fjheut ût djoûs d' bea tins, vos voerîz raploure di tot sol martchî (Motî d' Vervî). F. revenir, affluer.

III. [v.c.] rashonner (bråmint des djins, bråmint des sacwès). Dj' a fwait çki dj' a polou po raploure tos les mots do walon namurwès (L. Pirsoul). I fårè raploure les djins sol plaece (Motî do Coûtchant walon). Li poye rapoûle ses poyons dzo ses aiyes (Motî d' Vervî). F. rassembler, réunir.

IV. si raploure [v.pr.] si rashonner. Les coirbås s' raplovnut dins les bwès. Tolmonde si raploût la (Motî do Coûtchant walon). Loukîz a: si rapoûler, si ratropler, si rabindler. F. se réunir, se rassembler, se rejoindre, se concentrer. Disfondowes: raploûre, raplûre.

| raplovaedje [o.n.] no d' fijhaedje et no di çou k' est fwait (accion eyet si adierça) pol viebe "raploure". Loukîz a: raploû, raploût-tot, raploujhaedje, rapoûlaedje. F. rassemblement.

Etimolodjeye[candjî | candjî l' côde wiki]

Betchete ra + latén "(co)pulare". Rl a: copulatif.

Parintaedje[candjî | candjî l' côde wiki]

Mots d’ aplacaedje[candjî | candjî l' côde wiki]

Disfondowes[candjî | candjî l' côde wiki]

raploure 
raploûre, raplûre.
raplovaedje 
raplovèdje, raplovadje, raplovâdje, rapluvadje.

Sicrijhas ezès motîs[candjî | candjî l' côde wiki]

raploure 
si raploûre [C13, C1, O0, O103], raploûre [C9, O0, C1, E1, E213, E34], raploûr [C8, E21, E203], raplûre[S117] [1]

Sourdants et pî-notes[candjî | candjî l' côde wiki]

  1. Loukîz al djivêye des motîs.