Motî:rapwairi

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "rapwairi" est recråxhî sol Wiccionaire

rapwairi (codjowaedje)

I. si rapwairi [v.pr.]

1. si rpoizer a l' ombrire, cwand i fwait foirt tchôd, cwand on-z a bén bouté et k' on sowe des gotes. Ni vos rapwairixhoz nén trop so l' ouxh, ca l' bijhe si leve (A. Lurquin). Loukîz a : rishofler, si rischaper. F. se rafraîchir, reprendre haleine.

2. ridivni pus frisse, tot djåzant do tins, cwand i fwait foirt tchôd. I gn a nosse timps ki s' rapairit (R. Hostin). F. se rafraîchir, se refroidir, fraîchir.

3. si rapåjhter. Il a bén falou tot po k' ele ri rapwairixhe. F. se calmer, s'apaiser, se remettre de ses émotions, reprendre ses esprits.

4. ramoli, tot djåzant del tchå. I fåt ratinde deus djoûs po kel pourcea rapwairixhe. F. amollir, mollir, attendrir.

II. [v.c.]

1. rafrister l' tchôde air, e l' esté, tot djzant d' on frisse vint. Gn a vnou on ptit poy d' air del mer, k' a rapwairi l' waernu. F. rafraîchir.

2. (mot d' mônî) rafroedi (li farene) cwand ele rexhe del boultreye. F. refroidir.

3. rapåjhî. Li mere a waitî d' el rapwairi come elle a seu (L. Mahin). Sôdårds, rapwairixhoz tos ls efants pa ene ledjire caresse (C. Thonet). F. apaiser, tranquiliser.

Etimolodjeye: viebe fwait sol bodje "pais" (disfondowe di "påye"), avou l' betchete ra-, ridner del påye.

| rapwairi, rapwaireye [addj., purade padvant]

1. ripoizé (êye), dishodé (êye). Dji so-st ene miete rapwairi; dji va rprinde mes usteyes et m' bezogne (A. Lurquin). Asteure ki dj' so rapwairi, dji m' riboute a l' ovraedje (L. Pirsoul). F. reposé.

2. rapåjhi (eye). F. calmé, apaisé, tranquilisé.

| rapwairixhaedje [o.n.] no d' fijhaedje et no di çou k' est fwait (accion eyet si adierça) po les viebes "rapwairi" et "si rapwairi". F. rafraichissement, refroidissement, repos à l'ombre, consolation, apaisement.

| rapwairixhmint [o.n.]

1. rapwairixhaedje.

2. frisse abwesson. Nos prindrans on rapwairixhmint. F. rafraîchissement.

Etimolodjeye : cawete -mint, so assaetchance do mot françès, 2006.


Omonimeye coinrece :