Motî:rassonrer

Èn årtike di Wikipedia.
(Redjiblé di Motî:rassonraedje)
Sauter à la navigation Sauter à la recherche

Wiktionary-logo.svg

Li mot "rassonrer" est recråxhî sol Wiccionaire

rassonrer (codjowaedje)

I. [v.c.]

2. rifé bén comifåt, rarindjî, rimete d' accion. Li mwaisse n' è vout pont d' ôte ki mi po rassonrer l' tåvlea, rinetyî s' pupite, tcherdjî l' pwele et fé ses comission (A. Masson). L' ome aveut rassonré li ptite måjhon d' Djerbaifwè come on palijhea (L. Mahin). Et ça n' est nén co tot: rifonde li walon, ça sereut ossu come rimete a noû, rassonrer, rimete e coleur si måjhon å bon tins (L. Hendschel). Les wårnumints po les rpoizoes sont dischindous des traveures; i fåt fé les poûssires et les rassonrer ene miete (E. Benoit). Li hôt-fornea n' egzistêye pus, mins l' foidje des Walons, ki date do 17inme sieke, mins k' a stî ragrandeye et rassonrêye e 1794, est co assez bén wårdêye. F. remettre en ordre, en état, à neuf, retaper, restaurer. >> rassonrer s' fwin: magnî cwand on-z a fwin. Po rassonrer ès fwin, on gris cantea sol tåve (L. Declercq).F. apaiser.

2. (tot cåzant contråve) emantchî. Dji fjheu les cwanses del croere, et dji m' fijheu rassonrer, poy k' i sorlouwéve mes teres pus tchir k' i n' mi les louwéve (A. Laloux). Loukîz al sinonimeye. F. duper.

II. si rassonrer [v.pr.] si rnetyî et s' abiyî comifåt. Il a metou tchåfer d' l' aiwe, fote ås gobeyes li cazake et l' pantalon, et s' rassonrer del tiesse ås pîs (A. Henin). F. se débarbouiller, s'arranger.

Etimolodjeye: viebe assonrer, betchete r(i)-.

| rassonraedje [o.n.] no d' fijhaedje et no di çou k' est fwait (accion eyet si adierça) pol viebe "rassonrer". Ele riclôt ossu vite li finiesse; li rassonraedje des cwåreas est fini (A. Masson). C' est adon ki Stéphane Quertinmont etcherpinte "Li Rantoele" so l' cogne d' ene Soce Nén Recwårlante et bouter sol rassonraedje do rfondou. F. nettoyage, restauration, rénovation, remise à niveau, à neuf, en état.