Motî:ratuzer

Èn årtike di Wikipedia.
(Redjiblé di Motî:ratuzaedje)
Sauter à la navigation Sauter à la recherche

Wiktionary-logo.svg

Li mot "ratuzer" est recråxhî sol Wiccionaire

ratuzer

I. [v.c.] 1. tuzer mwints côps, po fé ene sacwè d' bén. On-z a lomé l' novea calindrî li calindrî julyin, pask' i fourit decidé pa Jules Caesar, mågré k' il a stî tuzé et ratuzé pa on lomé Sosigenes, èn asterloke ki vneut d'Alegzandreye (L. Baijot). On dit eto: parpinser. F. réfléchir, repenser.

2. fé s' rissovni. On coporå Trazignî; Des ratchatchas sol cayé Ki lyi bårèt s' vizaedje, ça m' ratuze, li låme el misse, Li grand flandrin pår djivisse Ki boerléve ses boignes messaedjes Sol bati... Sol bati, sol batijhea (L. Mahin). On dit eto: rimimbrer, rapinser, rassondjî. F. rappeler, remémorer.

II. [v.s.c.] tuzer al vude. Cwand k' on n' a pupont d' ovraedje, i shonne k' on-z est tot seu et on s' mete a ratuzer tote li sinte djournêye (J. Schoovaerts). Loukîz a : racatuzer, aveur åk e trexhe. F. ressasser les mêmes idées.

III. si ratuzer [v.pr.] rivni so s' prumire idêye. I s' a ratuzé a tins. Loukîz a : si rapinser. F. se raviser.</span

Etimolodjeye : viebe tuzer, betchete ra-

| ratuzaedje [o.n.] no d' fijhaedje et no di çou k' est fwait (accion eyet si adierça) pol viebe "ratuzer". Gn a todi ene saye di teyoreye ki brotche foû d' ene masse di ratuzaedjes (J. Schoovaerts). I lyi aveut falou do tins et bråmint des ratuzaedjes po vey ene miete pus clair et sayî d' comprinde (E. Gilliard). A môde di rén, li minme ratuzaedje s' aveut stitchî dins leu tiesse (B. Louis). F. réflexion, idée, pensée.