Motî:ravôtyî

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "ravôtyî" est recråxhî sol Wiccionaire

ravôtyî (codjowaedje) [v.c.]

1. mete do papî, ene toele evnd. tot åtoû d' ene sacwè pol waeranti. Ravôtyîz vosse froumadje dins ç' papî ci. Ele fwait rôler dvant leye li ptit paket bén ravôtyî dins ene coviete (A. Laloux). Des tirs å fizik ewou çk' on wangne on tot ptit boket d' souke di peme ravôtyî dins bråmint d' papî crolé pås deus dbouts do mirliton (R. Limbourg). Po-z espaitchî k’ les velos n’ soeyénxhe gordés dins l’ tram et l’ trén en alant a Brussele, on les ravôtyive dins des bandletes di gris papî (E. Pècheur). Li nive a toumé come mwints côps après l' prumî d' djanvî, et dj' end avans po l' moes di ç' grand blanc mousmint la ki ravôteye les tchamps et les bwès (A. Henin). Li veye est bele cwand l' sondje el ravôteye di clairté (J. Mignolet). On dit eto: ewalper, ratoirtiyî, rafûler, refådler, efådler, emantler. F. envelopper, emballer.

2. retourer pa ôte tchoi. Sol ri, ene lådje foye di såvadje rubåbe î naiveye; l' aiwe ni l' eterprind k' tot doûçmint, pa les boirds po cmincî; tot d' on côp, tote li foye est ravôteye (A. Laloux). F. entourer, englober, encercler.

3. racafougnî (ene toele, on mousmint). On n' pout nén code Des fleurs d' amour Sins k' on waeraxhe Endè fwaiye si bezaece Sins comprinde ki l' amour, C' est nén l' linçoû tot ravôtyî (R. Hostin). On dit eto : reboler. F. replier, chiffonner.

| ravôtiaedje [o.n.] no d' fijhaedje et no di çou k' est fwait (accion eyet si adierça) pol viebe « ravôtyî ». Po rastrinde li pris di rvén, les eritîs ont abandné l’ oujhene do Bork po ramoenner tot a Brussele ; come ça, i s’ metént cwite do ravôtiaedje di bandletes ki s’ fijheut å Bork et l’ disvôtiaedje ki s’ fijheut a Brussele (E. Pècheur). Loukîz a ewalpaedje, ewalpeure, ratoirtiyaedje. F. enveloppement, emballage, empaquettage.

Tcherpetaedje[candjî | candjî l' côde wiki]

Parintêye[candjî | candjî l' côde wiki]