Motî:sôdård

Èn årtike di Wikipedia.
(Redjiblé di Motî:sôdåre)
Sauter à la navigation Sauter à la recherche

Wiktionary-logo.svg

Li mot "sôdård" est recråxhî sol Wiccionaire

Sôdård di 1940
Sôdård è 1955

sôdård u sôdår [o.n.]

1. ome ki va a l' årmêye, et ki s' bate po s' payis. Les sôdårds ki sont mî poirtant endiront å front po esse replaecîs pa des måhaitis, ki seront a leu toû, replaecîs pa des pus måhaitis. (E. Wartique & E. Thirionet) Vos vs sovnoz do krechef di tos ces gris sôdårds Ki dmoréve dins troes plaeces el grande måjhon Widar ? (Louis Piron). >> sôres di sôdårds: simpe sôdård, sôdård a pî (F. fantassin.), sôdård a tchvå (F. soldat de cavalerie.). >> sôdård a platene: li ci k' a ene platene (on bouclî) po s' waeranti. >> prumî-sôdård: sôdård ki prind l' plaece do coporå, s' il astchait. >> intrer dins les sôdårds; roter sôdård, aler sôdård: moussî a l' årmêye. >> fé s' tins d' sôdård, fé deus ans d' sôdård: po cwand on fwait s' siervice. >> s' egadjî dins les sôdårds: î aler po-z î dmorer, come mestî. >> abiyî, moussî e sôdård: avou des mousmints d' l' årmêye so s' dos. >> latén d' sôdård: (mot d' linwincieus) patwès latén djåzé pås sôdårds romins k' a dné des mots k' i gn a ezès romans lingaedjes. F. bas-latin. >> On n' fwait nén l' guere so on sôdård près; on n' arestêye nén l' guere po on sôdård: i n' fåt nén s' discoraedjî al prumire piete. >> Gn a nole si grande guere k' i ndè schape on sôdård.

2. (imådjreçmint) coraedjeuse djin. >> on mwais sôdård: on schitåd. F. poltron. >> Ké sôdård !: a) ké coraedjeus ! b) (tot djåzant årvier): ké couyon. F. peureux. >> on bon sôdård: dijheye po ene coraedjeuse feme.

3. grosse djåbe d' avoenne (u troes cwate pitites) loyeyes pås påtes, et dressêyes sol tchamp. Il ont co des sôdårds d' avoenne. On dit eto: båshele, marionete.

4. pitit sôdård: pitit doet dins sacwantès doetreces. F. auriculaire.

| sôdåre u sôdårresse [f.n.] feme sôdård. Le fotos del pitite sôdårresse ki margougnive les prijhnîs irakyins ont fwait l' toû del daegn.

Mots d' aplacaedje


So l' eciclopedeye: