Motî:sôre

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "sôre" est recråxhî sol Wiccionaire

sôre [f.n.]

1. categoreye d' ene sacwè, categoreye di djin. Li cinsî esteut d' ene sôre di ramexhnantès djins ki n' sont nén a scrandi (P. Maudoux). Les djins si dnént radjoû sol plaece po totes sôres di spôrts (A. Goethals). Il esteut d' soce avou tolmonde ? Oyi, avou les cis di s' sôre, a lu (P. Renson). Dins l' boesse, i gn aveut s' kepi, ene sôre di caté avou deus galons, on djaene et on blanc. (H. Matterne). Loukîz a : trepådje, tire, cogne. F. "sorte, espèce, acabit, categorie".

2. (pus stroetmint) categoreye di plantes, di biesses, evnd. C' est ene sôre di plante ki n' adeure nén l' solea. Loukîz a : raece, indje. F. "espèce, variété, race ". >> cok do sôre: cok po fé des bates di coks. Li cok k’ est sol drapea walon, c’ est on cok di sore. F. "coq de combat".

3. sacwè. Vos fåt aler tot doûçmint, ene sôre après l' ôte. Dji sai ene sôre : vos n' rivénroz todi nén après meynute u vs åroz l' ouxh seré. Loukîz a : tchôze, cayet. F. "chose". >> La co ene ôte sôre !: la co ôte tchoi. F. "autre chose". >> tote sôre: bråmint des sacwès. C’ esteut des ptits botikes k’ avént d’ tote sôre. F. "toute sorte de". >> d' ene sôre a l' ôte: tot s' ocupant di sacwants cayets. Trovans l' moyén di ragrawter, d' ene sôre a d' ôte, nosse boune santé (vîs papîs, 1634).

4. (mots d’ croejhete) a) djinre d’ on mot. F. "genre". b) categoreye di codjowaedje. Viebes del 4inme sôre. On dit eto : troke. F. "type, conjugaison".

| ene sôre [nén definixhant prono] ene sacwè. Dji vos va dire ene sôre : dismefiyîz vos d’ lu. On dit eto : åk, kéke tchôze. F. "quelque chose". >>  Dji n’ voe k’ ene sôre : Dji n’ voe k’ ene rexhowe. Dji n’ voe k’ ene sôre : aler briber ! F. "solution, issue". >> Cwand c' est nén ene sôre, c' est l' ôte : dijhêye po ces cis ki n' sont djamåy contins. F. "pertépuel insatisfait".

Disfondowes[candjî | candjî l' côde wiki]

nre, sônte, sônrte, sôte, soûrte, soûte.

Hårdêyes divintrinnes[candjî | candjî l' côde wiki]