Motî:saizi

Èn årtike di Wikipedia.
(Redjiblé di Motî:saizixhant)
Sauter à la navigation Sauter à la recherche

saizi (codjowaedje) [v.c.]

1. apicî. F. saisir, agripper.

2. comprinde. On dit eto: etinde. F. saisir, comprendre.

3. sibarer, fé awè peu. To m' as saizi, verat ! Li medcén est tot saizi d' vey amoussî l' viye Djelike. F. surprendre, effrayer. >> esse saizi: esse reyusse, dimorer ståmusse. Madame Nabolz, li djin evoyeye på Consey di l' Urope po les arnåjhes linwistikes, a stî saizeye d' aprinde ki l' walon n' esteut nén aprins e scole (R. Viroux). On dit eto : paf, peté, metch, pek.

| saizi, saizeye [o.f.n.] onk (ene) ki n' est nén tot djusse, on pô drole, nén come èn (ene) ôte. On dit eto: bardouxhî, dimey-cougnî, dimey-doûs, ewaeré, sokea, foû-scwere. F. simple d'esprit. >> Notru-Dame des Grands Saizis, priyîz par lu: dijhêye po balter ene sakî.

| saizixhant, saizixhante [addj. purade padvant] k' on nel croereut nén. C' est saizixhant çou k' on pout avancî e djåzant tos les djoûs ene miete walon. F. étonnant. Loukîz a: emerviyant, ewaerant, sibarant, reyusse. F. surprenant.

| saizixhmint [o.n.] sibarmint. Tolminme ene pitite djonnete inla ki fjheut do facteur, ké saizixhmint ! kéne petêye tot d' on côp !(J. Selvais). F. surprise.


Parintêye :