Motî:schaerbote

Èn årtike di Wikipedia.
Potchî a: naiviaedje, cweri
Dedja bagué sol Wiccionaire

schaerbote / eschaerbote [f.n.] u : schaerfon / eschaerfon [o.n.] u : schaefion / eschaefion [o.n.]

On schaerfon

1. gros noer inseke come ene baloujhe, foirt corant, ki mousse ezès flates, et fé ene grosse bole k' i boute et-z eterer po-z î ponde ses oûs, e sincieus latén "Geotropus stercoralis". Les scarbotes, ti les voes ki boutèt des nuketes di stron ttaleure ttossu grosses ki zeles (L. Mahin). [1] On dit eto: mousse-e-stron, mousse-e-brén, mousse-e-flate, cabawin, marixhå. F. "bousier, géotrupe". >> Il årè des pûs come des schaerbotes: mançaedje a on nawe. On dit eto: come des baloujhes. >> Laid schaefion, laid schaerfon ! : traitaedje. >> T' es co pé k' les schaerfons: dijhêye a ene haeyåve djin. >> Les Schaerbotes: (la-minme : Les Scârbotes) Motî:sipotaedje des djins d' Glaireuse. >> Les Schaefions: (la-minme : Les Chafions) sipotaedje des djins d' Madjrè et di Rnuveye.

2. (imådjreçmint, veyou do mwais costé) pitite båshele [2]; pitit efant. [3]

3. (imådjreçmint) onk k' overe del nute. [4]


Etimolodjeye et tcherpetaedje[candjî | candjî l' côde wiki]

schaerbote 
bodje schaerb- (do latén "scarabaeus ") [5]; cawete -ote.
schaerfon 
minme bodje, avou ridaedje B / F, cawete -on [6]
schaefion 
cawete -ion, avou fondaedje do R, sorlon li rîle des troes cossounes.

Sicrijhas ezès motîs[candjî | candjî l' côde wiki]

schaerbote 
scarbote [S19, S24, S107, S109, G4 [7], G208 [8]], scârbote [S17 (p. 336), G4]], scarbote / sucarbote [S117], sicarbote [G4, G208], sucarbote [G4, G208], sëcarbote [G4, G208], sècarbote [G4, G208], èscarbote [G4], charbote [G208], tcharbote [G4, G208], tchèrbote [S19, S24, G4, G208], cherbotte [S100] p. 273, carbote [G4].
schaerfon 
hèrfon [G4, G208], hièrfon [G4, G208, E2, E145], hièrfô [G4], hyièrfon [[E200], χèrfon [G4, G208], χièrfon [G4], chèrfon [G4, G208], sièrfon [G208], cièrfon [G4], nén dins E13.
schaefion 
hiêfion [G208], hέfion [G4], chêrfiyon [G208], chèfion [G4, G208], chafion [S0, G4, G208] [9]

Vîs scrijhas[candjî | candjî l' côde wiki]

schaerbote 
escharbot [10] .

Sipårdaedje des mots e 20inme sieke[candjî | candjî l' côde wiki]

schaerbote 
Coinrece Årdene nonnrece & tchestrolès
schaerfon 
Coinrece Hôte Årdene
schaefion 
Coinrece payis d' Måtche-el-Fåmene

Hårdêye divintrinne[candjî | candjî l' côde wiki]

Hårdêye difoûtrinne[candjî | candjî l' côde wiki]

Sourdants & pî-notes[candjî | candjî l' côde wiki]

  1. Dins Ene Båke, p. 333.
  2. Motlî so les såvadjès biesses et plantes di Leglijhe.
  3. Motî da Toussaint.
  4. Motî da Toussaint.
  5. FEW 11, 288b.
  6. FEW 21, 277b.
  7. [G4] = Roger Pinon, Le bousier dans la dialectologie et le folklore de Wallonie, divins: Les dialectes de Wallonie, T.1, 1972, pp. 102-103.
  8. ALW 8. notûle 129.
  9. Loukîz al Djivêye des motîs.
  10. Mot d' "ancyin francès" (Motlî da Anselme, p. 84).