Motî:shoufe

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "shoufe" est recråxhî sol Wiccionaire

shoufe [f.n.]

1. Elemint do tåvlea d' Mendeleyev, del troke des solides nén metås, kinoxhou dizo l' essegne atomike S, li nombe atomike 34, et l' pwès atomike 32. On sulfate, c' est èn atome di shoufe avou cwate d' ocsidjinne. F. soufre.

2. djaene prodût ki prind feu, k' i gn a å dbout des brocales, des aloumetes. Po saetchî al bouxhe, ti prins ene aloumete, tel côpes e deus et c' est l' ci k' a l' shoufe ki wangne. Tor Sicoirdou, saetcheu al shoufe Et ki dmeure a Matsarinou A gripé dins l' trin do solea (I. Battutito, rat. pa J.L. Fauconnier & L. Mahin). Les di Djer, k' ont cwité Lidje po Dordrecht, poy Amsterdam, al copete d' on role di courtîs po les martchands walons, s' enondèt dins l' comiece des åres et des amunicions, profitant del shoufe et do salpête prodûts el Walonreye (P. Bastin, ratourné pa P. Sarachaga). Mins l' djoû ki Lot moussa foû d' Sodome, il aplova djus do cir do feu et del shoufe, et tot l' monde fourit pierdou (Sint Luk, ratourné pa J.M. Lecomte). F. soufre. Disfondowes: choufe (femrin), soûfe (femrin), soufe (omrin), sife, séfe, choûfe, miersipepieuzmint el mape A.L.W. 5.23 ey el notule ALW 5.50.

Etimolodjeye: sulphur, avou candjmint d' djinre dizo assaetchance di soûfe.


Dipus d' racsegnes sol shoufe