Motî:sipirou

Èn årtike di Wikipedia.
Sauter à la navigation Sauter à la recherche
On spirou
Essegne des "Amisses da Spirou" (ADS) eviè 1945
Cwåte di vizite des "Amisses da Spirou" (ADS) dins les anêyes 1940

sipirou (råle après cossoune) u espirou / spirou

I. [o.n.]

1. biesse ås tetes, del famile des rawiants, ki vike dins les åbes, et magne des setchs fruts k' i ramexhnêye divant l' ivier, e sincieus latén "Sciurus vulgaris". Al nive, totes les biesses leyèt des rotes: les soris, les spirous, les robetes, les lives, les rnåds, les tchivroûs (S. Fontaine). Li spirou catche e s' grande tchabote Tot si amougnî po e l' ivier (R. Tabareux). Po griper, i n' såront djamåy rpasser mes spirous (R. Painblanc). C' esteut ene zine u purade ene fouke nos nos metént a rashonner co pire ki des spirous (J.L. Fauconnier). On dit eto: skiron, boschetea. F. écureuil. >> (tot spitant) come on spirou: tot alant raddimint. L' arsouye, tot spitant come on spirou, aveut levé l' daxhe do costé d' l' adjustaedje (L. Lecomte). I rimonta come on spirou pa sol costé des vîs tchåfors (Guillaume Smal). >> curieus come on spirou: foirt curieus.

2. pitit wespiyant efant. F. espiègle.

3. no d' ene seke protestante. Dins les rlidjons, on n' kinoxheut dabôrd ki les piscopås et les spirites k' on loméve les spirous (ram. pa L. Léonard).

II. Spirou [no prôpe] persounaedje di binde d' imådjes, askepieye el Walonreye pa Franquin.

Hårdêyes divintrinnes[candjî | candjî l' côde wiki]