Motî:sitrûler

Èn årtike di Wikipedia.
Sauter à la navigation Sauter à la recherche

sitrûler u estrûler / strûler (codjowaedje) I. [v.c.] 1. prinde ene påte di dinrêye, et l' cafroyî inte di ses deus mwins, po fé vni les xhos. Dji veyeu nosse pa ki strûléve ene påte di rgon po vey s' il esteut meur. F. égrener. >> sitrûler les orayes: les froter avou ses mwins, di dvant en erî, et k' ça fwait må (po pûni les efants). Si vs n' estoz nén vayants, dji vs sitrûlrè les orayes. T' as del tchance ki dj' n' a nén m' shoflete, k' i creye å live ki s' saiwéve, dji t' åreu yeu strûlé les orayes comifåt. F. pincer l'oreillle, sanctionner, rappeler à l'ordre. 2. kimiyter (do pwin). Dji strûle on boket d' pwin po les ptits moxhons (L. Pirsoul). On dit eto: dismiyter. F. émietter. 3. dismantchî (del tere) a ptitès rukes. A Nazibea, i s' ascropa, prinde ene pougnêye di tere dins si mwin, et l' tchåspougnî, divant del sitrûler, et l' leyî rscheure, groumiote pa groumiote, inte di ses doets (Albin Georges, rat. pa L. Mahin). I gn a-st el mer d' Irlande, ene iye batowe des vints; on gros boket d' granite tapé å mitan d' l' aiwe, tot csemé d' cayås k' el bon Diu strûla inte di ses mwins (J.P. Dumont). F. égruger. 4. plouzer (del linne). Li matrassî strûle li linne divant del bate (L. Pirsoul). F. étirer, carder. 5. sitrûler les flates: sitårer ås flates. F. épandre. 6. sitrûler des draps: passer avou ses deus mwins, ene di tchaeke costé, po rsaetchî les pleus (divant k' gn åye les fiers a ristinde). 7. (imådjreçmint) ridobler (bate ene sakî, ene biesse). F. rosser, étriller. II. si strûler [v.pr.] divni a groumiotes, a tot ptits bokets. Li tere si brijhe, si strûle et håle (ramexhné pa J. Haust). F. s'émietter. Disfondowes: s(i)trûler, s(i)trîler, s(i)trîlè, s(u)troûler, s(u)trûler, s(u)trîyer, s(u)trîyè. Etimolodjeye: viebe trûler, betchete s(i)- rafoircixhante (bén trûler, bén coscheure). | sitrûlaedje u estrûlaedje / strûlaedje [o.n.] no d' fijhaedje et no di çou k' est fwait (accion eyet si adierça) pol viebe "sitrûler".