Motî:sitrimer

Èn årtike di Wikipedia.
Potchî a: naiviaedje, cweri

sitrimer u estrimer / strimer (codjowaedje)

I. [v.c.]

1. sohaitî l' boune anêye a (on parint, on soçon). C' est vos ki m' sitrime, ouy (Motî d' Vervî). Dji n' so nén strimé (Motî da Forir). On boereut kékès gotes po-z eterer l' anêye cwand on vénrè strimer popa et l' vî pårén (L. Piron). F. présenter ses vœux à.

2. diner ene bistoke (po des noices, po l' pindaedje do crama) a (ene sakî). Avoz strimé les maryîs ?. F. faire un cadeau à.

3. mete pol prumî côp (on mousmint). Tchaeke sicolî esteut moussî come li dimegne, et sovint, i striméve ene nouve mousseure (H. Forir). On dit eto: edåmer. F. étrenner.

4. roter pol prumî côp so (ene voye) Dji baloujheu miernou po rapåjhî mes fives Et dji striméve les noers pazeas blancs d' nive (G. Smal). On dit eto: afroyî. F. se frayer.

5. moussî l' prumî dins ene novele måjhon, drovi on botike. C' est mi k' a strimé l' nouve måjhone (Motî da Forir). F. inaugurer.

6. drovi on botike. Cwand on striméve on novea cåbaret, on ramouyive li houpea. F. ouvrir, baptiser.

7. prezinter (on novea live, on novea fime, on novea monumint). F. présenter, inaugurer, lancer.

8. esse li prumî (ene sadju), sayî pol prumî côp. Sins waxhea, sins ene låme, on l' a dischindou dins l' fosse; il a strimé on reclôs; c' est ene precåcion po esse seur d' aveur del plaece assez ! (E. Wartique et E. Thirionet). F. inaugurer.

9. sayî pol prumî côp. Li maçon rcwesté po fé l' djibet aléve esse li prumî a l' sitrimer (L. Baijot). Si vos sayîz l' truk, ni ratindez nén l' dierin djoû po l' sitrimer et afiner vos reglaedjes. F. essayer, faire l' essai.

II. [v.s.c.] tourner les måjhons des parints et des soçons po sohaitî l' boune anêye. El Walonreye, li djoû d' l' an, les efants des corons alént strimer dins totes les måjhons, etot dnant des nûles azès djins. F. présenter ses vœux.

| sitrimaedje u estrimaedje / strimaedje [o.n.]

1. no d' fijhaedje et no di çou k' est fwait (accion et si rzultat) pol viebe « sitrimer ». Des gaztîs flaminds avént criyî herleme pask' il aveut djåzé en inglès a Zeebrugge pol sitrimaedje d' on batea di hôte tecnolodjeye (L. Mahin). Totafwait dvént trûte, dit-st i etot rloucant s' pexhaedje; po nosse pailêye d' al nute, wai, voci li strimaedje (rat. da Lafontaine). Li strimaedje do live s' a fwait a Rdû, al prumire dicåce ås lives do payis. F. étrenne, présentation, inauguration, lancer, premier essai, avant-première.

2. (pus stroetmint) cado a onk ki vént d' pinde li crama. F. cadeau de bienvenue.

3. bistoke di mariaedje. F. cadeau de noces.

| sitrimeu u estrimeu / strimeu, sitrimeuse u estrimeuse / strimeuse oudonbén sitrimresse u estrimresse / strimresse [o.f.n.] li ci (cene) ki strime (ene sacwè). F. premier client, autorité (chargée d'une inauguration).


Etimolodjeye et tcherpetaedje[candjî | candjî l' côde wiki]

strimer 
viebe fwait sol mot "strime".

Sicrijhas ezès motîs[candjî | candjî l' côde wiki]

strimer 
strimer [E1, E34, E213, S17 [1], S41, S109], strimé [E203], strimè [C8, S38 [2]], s(i)trimè [C13], s(u)trimer [S0, E212b], sutrimez [E212], strimer / sutrimer [S117], strumer [E1, E170, C57, C99, C100, C106, E213], strumè [C1], nén dins O0, S25, S40.
strimaedje 
strimèdje [E1], strumèdje [E1, E170], strumadje [C1, C99, C100, C106]
strimeu 
strumeû [C106] [3]

Sipårdaedje do mot e 20inme sieke[candjî | candjî l' côde wiki]

totavå, apus k’ e Coinrece Coûtchant walon

Hårdêye divintrinne[candjî | candjî l' côde wiki]

Sourdants et pî-notes[candjî | candjî l' côde wiki]

  1. p.235.
  2. hagnons 44 & 123.
  3. Loukîz al djivêye des motîs.