Motî:sobayî

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "sobayî" est recråxhî sol Wiccionaire

sobayî u sabaye [mot-fråze]

1. (metou al tiesse d' ene fråze dimandrece) on s' dimande bén (si), dji so curieus d' saveur (si). Sobayî s' i frè bon dmwin ?. Sabaye s' i nd a po lontins ? Sabaye ké vweteure k' il a ? (Motî d' Bastogne). Sabaye kéne eure k' il est Sabaye s' il åront bén tot fwait ?(Motî d' Djivet). Sobayî s' i cåzrè ?(Motî da Pirsoul). Sabaye si ça ténrè ?(ramexhné pa C. Bruneau). Sabaye douvént k' i dmore la dispu ttaleure?! I n' est nén-st edoirmou, dandjreus (J.F. Brackman). Béntoit, les efants cloyèt les ouys et i s' edoirmèt e s' dimandant: "Sabaye çou k' Sint-Nicolai nos va-st apoirter ?" (J. Calozet). Sabaye si, asteure, ces viyès uzances la li dijhèt co åk ås djins ? (P. Otjacques). Sabaye çou ki dji freu bén po wårder m' parole et n' nén låtchî d' ovrer al catedråle (Paul Siméon). Sobayî kibén k' i n årè d' pôvriteus ki mourront d' fwin et d' froed, divins leus minåbès håres, li nute do Noyé ? (J. Lahaye). Sabaye si l' grande Djelike l' årè veyou; motoit k' ele båke padrî s' finiesse (A. Henin). F. je me demande (si), quid pour, serait-ce possible que.

2. (metou al fén d' ene fråze dimandrece) dji mel dimande bén. C' est pa ké costé, sabaye ? span lang=fr>va-t-en voir. >> si … , sabaye: pocwè nén, on voerè bén après. Et s' on pasreut par la, sabaye ? Et si l' amour sereut si telmint foirt po rmete eshonne les djins ki s' ont vraiymint veyou voltî, sobayî ? (C. Denis). F. et si, par hasard, …; … on serait étonné. >> disk' a …, sabaye: dandjreus, plait-st a Diu. Disk' a l' anêye ki vént, sobayî, binamêye Dona ! "(C. Binamé). On dit eto: probåbe. F. probablement.

3. (metou å cmince u al fén d' ene fråze esclamrece) po fé rmostrance a des efants ki sont-st a damadje. Sabaye, vos, djonnes ! vos m' lairoz lére mi gazete, al fén !? Sabaye, vos, les zwers vos n' sårîz dmorer trankile cénk munutes !? Loukîz a : dabôrd. >> Et cwè, sabaye !: ebén cwè ! F. alors là !, c'est bientot fini !

Etimolodjeye: spotchî aplacaedje d' ene fråze "dji so ebayî"


Parintêye (?)