Motî:tåve

Èn årtike di Wikipedia.
(Redjiblé di Motî:tåvlete)
Sauter à la navigation Sauter à la recherche

Wiktionary-logo.svg

Li mot "tåve" est recråxhî sol Wiccionaire

tåve [f.n.]

1. lådje plantche avou (troes ou) cwate pates, k' on magne dissu, u scrire, u ristinde, u fé ôte tchoi. F. table. >> tåve di nute, tåve di sponte: meube avou on plat dzeu, metou a costé do lét. F. table de chevet. >> ronde tåve: tåve ki les cis ki s' ashidèt di ttåtoû sont tertos ewals. >> Cavlîs del ronde tåve: floriconte istorike. F. chevaliers de la table ronde.

Tchår del soce des chevaliers del ronde tåve di Djavingue al mascaråde di Welin

2. arindjmint di dnêyes (sovint des nombes) e lene eyet colones li tåve des mopliyaedjes pa troes.

3. djivêye des bokets d' on live, sovint metowe al fén. F. table des matières.

| tåvlea [o.n.]

1. grande (noere) plantche pindowe å meur, u dressêye so des pîs, po scrire dissu Aloz å tåvlea, et mi scrire "on tchvå". F. tableau.

2. arandjmints di dnêyes (sovint des nombes) pa lenes eyet colones Vos pôriz mete ces nombes la en on tåvlea. >> Tåvlea da Mendeleyev: tåvlea di tos les elemints tchimikes.

3. pondeure On tåvlea da Patnî.

| tåvlete [f.n.] plake di måbe metowe divant ene finiesse, so on djivå, evnd. Li tåvlete del finiesse, del tchiminêye. Loukîz a: cimådje. F. tablette..

| tåvlêye [f.n.] tos les djins ashids al minme tåve. F. tablée..

| tåvleu [o.n.] (mot d' éndjolisse) programe avou des lenes eyet des colones, po fé des carculaedjes u po roister des bayeyes. Metoz puvite ces dnêyes la so tåvleu Excel.

Etimolodjeye et tcherpetaedje[candjî | candjî l' côde wiki]

tåve 
latén tabula (minme sinse).
tåvlea 
cawete -ea
tåvlete 
cawete -ete
tåvlêye 
cawete -êye
tåvleu 
riwalonijha do calcaedje do francès "tableur", 1997.

Disfondowes[candjî | candjî l' côde wiki]

tåve 
tauve, tâve, taule, tâle, tâbe,
tåvlea 
tauvia, tauvlê, tâvlê, tâblô
tåvleu 
tauvleu, tâvleur, tâvleu, tâbleur
tåvlêye 
tauvlêye, tauvléye, tauvlée, tâvlée, taulêye, taulée, tâlée, tâblée

Parintêye[candjî | candjî l' côde wiki]

Minme sourdant etimolodjike[candjî | candjî l' côde wiki]

Hårdêyes divintrinnes[candjî | candjî l' côde wiki]