Motî:tåye

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "tåye" est recråxhî sol Wiccionaire

tåye 1

I. [o.n.]

1. grand-pa. Pô d' djins djhèt: dj' a cnoxhou mes deus tåyes (H. Forir). F. aïeul.

2. pus vî ome d' ene måjhon. Li tåye s' ecrameye berlik berlok dins les firlotches di s' vicåreye (B. Louis). F. ancêtre.

II. tåyes [t.pl.] djin d' vosse famile k' a viké la bén lonmint. Il ont rployî tchaeke a toû Leu gazete su leus djnos Et rpinde leu frake ås båres, Les tåyes (E. Gilliard). Di ci åbe la, Les tåyes end ont djåzé come d' ene viye conoxhance Ki leus peres ont veyou k' i n' estént k' des efants (H. Simon). L' air shofele k' araedje so l' åbe des tåyes (J. Docquier). F. pères, ancêtres. >>tåyes et ratåyes; u: nos tåyes et nos ratåyes, tayons et ratayons: tos nos vîs parints. rl a: ratåye, tayon. F. ancêtres, ascendants.

Etimolodjeye: latén "atavus" (minme sinse).

| tayon, tayone u tayonde u tayondje

I. [o.f .n.]

1. grand-pa, grand-mame. Il a co on tayon et ene tayone. Èm tayon esteut houyeu. C' est on pailon ki vént do tayon d' èm tayone. Avou les ptits dierins, dji so divnou tayon, Did lahôt, vos dvoz rire cwand dji m' brouye dins leus nos (J. Nihoul). F. aïeul(e), grand-père, grand-mère.

2. ome, feme k' a viké la lontins, et ki vos dischindoz d' lu (leye). F. ascendant.

II. tayons [t.pl.] tåyes (vîs vîs parints ki sont moirts). C' esteut do tins d' nos tayons. Nos vîs tayons cåzént ddja insi. Djåzans walon, come nos tayons. Et nosse cour crexhe cwand c' est k' on tuze al glwere Di nos tayons ki n' avént måy pawou (T. Bovy). Do blanc pwin, les ptitès djins n' è veyént k' ås grandès fiesses, et nos tayons fjhént dipus d' cas do pwin k' nozôtes (E. Gillain). Tonio, on lyi rindrè les teres ki ses tayons bezognént, tot metant a rasta les pousses di petrole et les côpes di bwès dins l' aforesse Amazonyinne (Y. Paquet). rl a: ratayon. F. aïeux, ancêtres, ascendants. >> El lingaedje di nos tayons et ratayons: li walon (u li lingaedje k' on cåzéve di tos tins dins on payis).

| tayåd [f.n.] (v.m.) nateure (d' ene viye feme). F. vulve.


Parintêye :

Mots d' aplacaedje :

Omonimeye coinrece :

Pwaire minimom :