Motî:Tîxhe

Èn årtike di Wikipedia.
(Redjiblé di Motî:tîxhwèsse)
Sauter à la navigation Sauter à la recherche

Wiktionary-logo.svg

Li mot "Tîxhe" est recråxhî sol Wiccionaire

Tîxhe [o.f.n.]

1. djin ki djåze on lingaedje djermanike.

2. (pus stroetmint) djin ki djåze li lussimbordjwès. I s' maria avou ene des Tîxhes, ene grande curêye, ki lyi frè vey li diåle tote si veye (A. Lenfant). F. Allemand(e), (d'expression) germanique.

| Tîxhon, Tîxhonde u Tîxhone

I. [o.f.n.]

1. Tixhe.

2. (pus stroetmint) Flamind(e) u Almand(e). >> diveur ås Walons et ås Tîxhons: avou des desses di tos costés.

II. Tîxhon [n.dj.] no d' famile del Walonreye, ki si scrît asteure Tixhon, Tichon, Tychon, Tihon, Thion.

III. tîxhon, tîxhone u tîxhonde [addj., purade u padrî] a vey avou on peupe djermanike u lingaedje djermanike. L' etimolodjeye di "sipiter" n' a rén a vey avou on bodje tîxhon. F. germanique.

IV. tîxhon [o.n.] vî lingaedje soûmintrece k' a dné l' almand, li flamind, li frizon, li lussimbordjwès, et siervi di stok a mwints mots do walon. F. germanique.

| Tîxhnea [n.dj.] sipot po ene djin ki provént did mon les Tîxhons et k' est ptit. Djihan Tîxhnea dimoréve a Ståvleu e 1544. (Live des nos d' famile del Walonreye da Germain et Herbillon).

| tîxhwès

I. [o.n.] pitit lingaedje (diyaleke) francike : flamind, braibançon, limbordjwès, ripouwaryin, lussimbordjwès. F. thiois.

II. tîxhwès, tîxhwesse [addj., padvant u padrî] la k' on cåze di ces lingaedjes la. >> e tîxhwès payis: la-minme: è tchè payis) lomaedje des viyaedjes flaminds pa les Walons del vå d' Djer. [1] >> tîxhwès braibançon: vî lingaedje tîxhon d' Brussele, ricnoxhou come lingaedje do payis pal kiminålté francesse di Beldjike. Loukîz a : marolyin.

Etimolodjeye et tcherpetaedje[candjî | candjî l' côde wiki]

Tîxhe
francike "theudisk" (come l' almand "deutsch", li daenwès "tysk").
tîxhon 
cawete -on
Tîxhnea 
cawete -ea metowe dirî l' cawete on-.
tîxhwès 
cawete -wès

Minme sitok etimolodjike[candjî | candjî l' côde wiki]

Mots d' aplacaedje[candjî | candjî l' côde wiki]

Disfondowes[candjî | candjî l' côde wiki]

tîxhe 
Tîhye, Tîche, Tîhe, Tièhye, Têye, Tin.ye, Tîye.
tîxhon 
Tîchon, Tîchonde, Tîhondje, Tîchone, Tîhon, Tîhonde, Têyon, Tinyon, Tiyon, Tiyondje, Tiyone, oune.
Tîxhnea
Tîchnia, Tîh'nê, Tîhy'nin
tîxhwès 
Tîchwès(se), Tchès; Vîs scrijhas : tiex.

Sipårdaedje do mot e 20inme sieke[candjî | candjî l' côde wiki]

tîxhe 
Coinrece Hôte-Årdene et Payis d' Bastogne.

Hårdêyes divintrinnes[candjî | candjî l' côde wiki]

Sourdants[candjî | candjî l' côde wiki]

  1. Live da Legros sol frontire des lingaedjes romans el Beldjike, p. 107.