Motî:taeyî

Èn årtike di Wikipedia.
(Redjiblé di Motî:taeyeye)
Sauter à la navigation Sauter à la recherche

Wiktionary-logo.svg

Li mot "taeyî" est recråxhî sol Wiccionaire

taeyî (codjowaedje)

I. [v.c.] côper po-z aveur foû, po-z aveur djus. Djhan Pansåd n' a nén co rciné; Dinez lyi on ptit boket; Taeyîz hôt, et taeyiz bén ! C' esteut ene mizere di tchaplete fwaite avou des tchvirons taeyîs al hepiete divins des coxhes di tchinne (R. Painblanc). Li bårbî taeyive si razoe a pô près come ene lambozete (E.J. Piret). F. tailler, couper.

II. abate des åbes. Li gros bos inte li bos d' Tregne eyet l' bos d' Vireu di Haibe, est ebané et nouk n' î pout taeyî (vî papî Viêpe, 1454). F. bûcheronner.

| taeyî, taeyî [addj. purade padrî] taeyî pa des omes di mestî, tot djåzant d’ ene pire, d’ on vere. Les djusses å laecea et les soucrîs estént d' vere taeyî (A. Schmitz). F. taillé.

| taeyaedje [o.n.] no d' fijhaedje et no di çou k' est fwait (accion eyet si adierça) pol viebe « taeyî ». F. taille.

| taeyeu, taeyeuse u taeyresse [o.f.n.] onk (ene ki taeye ene sacwè, copurade des stofes po fé des mousmints. Po texhe, li taeyeu a des aweyes pikêyes plin s' djilet (Arthur Masson). F. tailleur. >> taeyeu å bwès ; u : >> taeyeu d’ legnes: bokion ki fwait les coides di bwès, tot ctaeyant les åbes abatous. Dj' a-st adschindou des plateurs avou les taeyeus d' legnes (A. Lovegnée). F. bûcheron. >> taeyeu ås pires: onk ki taeye les pires po fé des monumints u de belès måjhones.

| taeyant, taeyante

I. [addj. purade padvant] ki côpe bén. I côpént ene taeyante lame divant tchaeke zénguezåre (P. Gilles). F. coupant, aiguisé, tranchant.

II. taeyant [o.n.] pårteye ki taeye so ene usteye. Li taeyant d' ene få. Loukîz a : pene, bihairdant. F. tranchant.


Parintêye :

Mots d' aplacaedje :