Motî:tchôd

Èn årtike di Wikipedia.
(Redjiblé di Motî:tchôde)
Sauter à la navigation Sauter à la recherche

Wiktionary-logo.svg

Li mot "tchôd" est recråxhî sol Wiccionaire

tchôd, tchôde

I. [addj.]

1. k' a ene hôte timperateure. Cwand l' vint vént d' l' Ess, i fwait setch et tchôd e l' esté eyet setch et froed e l' ivier (M. Anselme). F. chaud. >> tini les pîs tchôds a ene sakî: lyi rinde vizite po-z awè åk di leye. Il aléve a Brussele po tni les pîs tchôds a ene viye matante, ene matante di souke (A. Laloux). >> fé tchôd: fé do solea, et on tchôd tins. >> fé tchôd a cure des oûs dvant l'ouxh: fé foirt tchôd. F. faire une chaleur torride.

2. ki waerantixh do froed. On bea noû tchôd paltot; ene boune tchôde echêpe.

3. voltrûle (sovint po çou ki rwaite li seke). C' est ene tchôde, saiss, cisse-lale. F. chaud, ardent, fougueux. >> tchôd lapén: ome ki n' tchicteye nén avou les femes.

4. bén decidé po ene sacwè. I n' est pus tchôd tchôd pol pordjet. F. chaud, enthousiaste. >> esse tchôd sol biesse: esse pressé, voleur aler rade. Napoleyon fourit trop tchôd so l' biesse; on sait çou k' çoula lyi a costé: tot wangnant totes les batayes, i fout cwite di troes cint meye omes (D. Salme). F. "excité, pressé, prompt, impatient".

5. novea (tot cåzant d' ene novele). C' est ene novele tote tchôde.

II. [adv.] novelmint. >> dire ene sacwè tot tchôd tchôd: tot d' on côp, sins amoenner l' sudjet. F. brusquement, sans préparation. >> c' est do tchôd modou: c' est tot noû come novele. F. nouvelle toute fraîche.

| tchôde [f.n.]

1. paskeye k' a må tourné. S' i n' ramwinrixh nén di ç' tchôde ci, i gn a malice (Motî da Léonard). F. mésaventure. >> s' i n' ramwinrixh nén di ç' tchôde ci, i n a malice: il a yeu on mwais côp, ene laide croke k' el va fé ramwinri (po on gros).

2. hisse. Il a hapé ene bele tchôde ! F. panique.

3. candôzreye. I s' tinént n' on l' ôte, et s' fé des tchôdes sins si rtourner (C. Denis). F. caresse, mamour. >> si fé des tchôdes et des letchreyes: passer on moumint a s' candôzer. F. flirter.

4. såjhon k' on tchesse après l' ôte seke (po les biesses, et, rabaxhanmint u po rire, po les djins). F. chaleurs. >> esse al tchôde: esse el såjhon di rproduccion po les lives, les tchets. Dji voe dins les tchamps deus lives k' estént al tchôde; dji va rcweri ttossu vite èm fizik. >> deujhinme tchôde: termene del veye, inte 40 et céncwante ans, la k' on-z est co pus tchôd ki tins di s' djonnesse. Al deujhinme tchôde, on-z est co pus amoreus k' al prumire.

5. a) (mot d' verî) termene po do veule tchåfer al verreye; b) (mot d' marixhå) termene po on fier ki tchåfe el foidje divni ployåve. c) (pa stindaedje) long moumint. >> la ene tchôde: la on moumint. La ene tchôde k' on n' les aveut pus oyou (E. Lempereur). On dit eto: hapêye. F. voilà tout un temps, ça fait un bail.

| tchôdmint [adv.]

1. d' ene tchôde manire.

2. dins on tchôd tins. Les eures et les munutes pyimpiamèt åddilong des såjhons, tchôdmint e l' esté et froedmint e l' ivier (J. Knapen) F. chaudement.

3. d' ene manire ki fwait plaijhi. I m' a rcî tchôdmint. F. chaudement, chaleureusement.

Parintêye:

Minme sourdant etimolodjike (avou fornaiviaedje do bodje):