Motî:tchaire

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "tchaire" est recråxhî sol Wiccionaire

tchaire (codjowaedje) [v.s.c.]

1. vini djus. Les avions n' låtchént nén di fé des skerlaxhes dins l' sitoelî, et télcôp leyî tchaire des bombes so ls oujhenes (J.L. Fauconnier). On dit eto: scheure, toumer, clouper . F. tomber, dégringoler, choir. >> tchaire a djnos°. >> tchaire å rvier: tchaire en erî. Mon Diu deyî ! Ké laide comere ! Al vey, dj' åreu plou tchaire å rvier (R. Bauffe). F. tomber à la renverse. >> tchaire dins les cropecindes: flåwi. F. tomber dans les pommes. >> tchaire å rvier so s' vinte: dijhêye po rire. >> leyî tchaire el gorea: èn pus bouter, prinde si pinsion. Les Merlinpontwès ni s' dotnut nén ki c' est po yeusses k' i n' a nén leyî tchaire el gorea (F. Barry). F. débrayer. >> croere ki les ålouwetes vont tchaire el boke tote fricassêyes: croere ki tot va vni sins må.

2. ariver tot en on côp. >> tchaire sol dos d' ene sakî: a) tot cåzant d' ene ôte djin: li sorprinde ki fjheut ene sacwè nén trop catolike. F. surprendre, prendre en flagrant délit. b) tot djåzant d' on måleur, rascråwer. C' est come on mwais sôrt k' a tcheu so m' dos (A. Gauditiaubois).

3. leyî tchaire rissaetchî evoye. Dins les powezeyes, on pout leyî tchaire li deujhinme boket (ci, cial, la) des prezintoes d' mostraedje.

| tcheyaedje [o.n.]

1. no d' fijhaedje et no di çou k' est fwait (accion eyet si adierça) pol viebe "tchaire". F. chute. >> esse a tcheyaedje: esse presse a tchaire. L' åbe est a tcheyaedje. F. menacer de tomber.

2. (pus stroetmint) paymints k' on-z a programé po ene téle date. Gn a co bråmint des tcheyaedjes ci moes ci. F. échéance.

| tcheyåd, tcheyåde

I. [addj., purade padvant]

1. ki toume di l' åbe divant s' ins, tot djåzant d' on frut. C' est ene tcheyåde poere.

2. (imådjreçmint) ki finixh divant s' tins. Mins k' avoz, feme, dissu vo tiesse ? Ni sereut ç' nén vo tcheyåde djonnesse Ki s' ertaenreut påzès mwais tins ? (H. Haas) F. avorté, raté.

II. tcheyåd [o.n.] frut k' a toumé dvant d' esse meur. F. avorton.


Parintêye:

Mots d' aplacaedje: