Motî:tchapner

Èn årtike di Wikipedia.
(Redjiblé di Motî:tchapneu)
Sauter à la navigation Sauter à la recherche

tchapner (codjowaedje) [v.c.]

1. ameder on cokea (po ndè fé on tchapon). Nos avans tchapné ene cope di cokeas (Motî da Forir). Dj' a fwait tchapner mes cokeas po ls ecråxhî (Motî del Lovire). Loukîz a : ameder, côper. F. "châtrer, émasculer (poulet)".

2. (imådjreçmint) rissaetchî foû d' on tecse sacwants bokets ki n' plaijhèt nén a sacwants. Mi droet d' response so l' libe pirlodje del Rantoele, ene miete tchapné på Lucyin, a stî imprimé dins l' limero 42 (A. Gauditiaubois). F. "censurer, amender".

3. picî li dbout d' ene coxhe di toubak, di vegne, di tomate, evnd., po kel plante ni monte nén. I fåt tchapner vos Sinte-Catrene, ele vont fiyî (Motî del Lovire). F. "étêter, pincer".

4. ratchitchî estô di spani (boton d' fleur). Li fleur di melêye a tchapné ciste anêye (Motî da Forir). F. "avorter".

| tchapnaedje [o.n.] no d' fijhaedje et no di çou k' est fwait (accion eyet si adierça) pol viebe "tchapner". Pol tchapnaedje, houkîz èn ôte ki mi (Motî da Forir). Dji crin l' tchapnaedje des åbes : i fwait trop froed (Motî da Forir) Dji vos cåzrè do tchapnaedje do toubak et des tomates Motî d' Nivele). F. "chaponnage, castration (poulet), émasculation, pinçage (plante), fanage (fleurs d'arbre à fruit)".

| tchapneu, tchapneuse u tchapnêyresse [o.f.n.] li ci (cene) ki tchapnêye (des cokeas, des plantes). F. "châtreur de poulet, ouvrier horticole".

Sicrijhas ezès motîs[candjî | candjî l' côde wiki]

tchapner 
tchapner [O4] (plantes), tchap'ner [C100, C106, O3], tchap'nè [C1, C100], chapné [E203] (plante), tchaponer [S0, O4] (cokea), chaponé [E203] (cokea), cap'ner [O3], nén dins C9.
tchapnaedje 
tchapnâdje [O4] (plantes), tchap'nadje [C1, C100, C106], chapnech [E203] (plante), tchaponâdje [O4] (biesse), chaponech [E203] (biesse).
tchapneu
tchapneû [O4], tchap'neû [C1, C100, C106]. [1]

Hårdêyes divintrinnes[candjî | candjî l' côde wiki]

Sourdants[candjî | candjî l' côde wiki]

  1. Loukîz al djivêye des motîs.