Motî:temognî

Èn årtike di Wikipedia.
Sauter à la navigation Sauter à la recherche

temognî (codjowaedje) [v.s.c.] aler come temoen divant on tribunå. On dit eto : "esse come temoen". Il a vnou temognî conte mi. Loukîz a : acertiner, mostrer. F. "témoigner".

| temognaedje [o.n.] no d' fijhaedje et no di çou k' est fwait (accion eyet si adierça) pol viebe "temognî". On-z a des bons temognaedjes so vosse conte (Motî da Forir). Come Transene fwait pårteye do ban di Viyance, il a falou ndaler rcwester l' sordjant k' aveut ses apårtumints dins l' tour fôrtifieye di Viyance; c' est lu k' a vnou fé l' constat et rçure les prumîs temognaedjes (E. Benoit). F. "témoignage". >> fås temognaedje: temognaedje d' ene sacwè kel temoen sait bén k' ci n' est nén l' veur. Il a fwait on fås temognaedje (Motî d' Bastogne). >> diner temognaedje; u : >> rinde temognaedje: temognî, tot fjhant s' messaedje tant k' i fåt. I gn ourit èn ome, ki l' Bon Diu evoya; si no esteut Djhan; i vna po dner temognaedje del loumire, po k' tot l' monde euxhe li fwè por lu (Evandjîle da Sint Djhan, ratourné pa J.M. Lecomte).

Tcherpintaedje[candjî | candjî l' côde wiki]

Viebe fwait sol sustantif "temoen", avou l' cawete -yî, pu rimagnaedje del trole oen.yî => ognî.

Vî scrijha[candjî | candjî l' côde wiki]

temognaedje 
"tesmongnege".

Sicrijhas ezès motîs[candjî | candjî l' côde wiki]

temognî 
tèmwègnî [E1], tèmoignî [E203], tèmoigner [E34], tèmwagner [S0] nén dins O0, C106, E212.
temognaedje 
tèmwègnèdje [E1], tèmoignech [E203], tèmoignèdje [E34], tèmwagnèdje [S0]. [1]

Hårdêye divintrinne[candjî | candjî l' côde wiki]

Hårdêye difoûtrinne[candjî | candjî l' côde wiki]

Sourdants[candjî | candjî l' côde wiki]

  1. Loukîz al Djivêye des motîs.