Motî:vexhåd

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "vexhåd" est recråxhî sol Wiccionaire

vexhåd

I. [o.n.] biesse ås tetes, magneuse di tchå, del nindje des bascoletes, 20 a 30 cm longue; e latén sincieus: Mustella putorius. Les vexhåds vikèt ttossu bén dins les vîs hangårds et dins les tas d' schinetes; pa des côps, i vnèt ås oûs, mins s' n' atakèt i po dire måy les poyes (L. Mahin). Mes poyes ni ponèt pus, ubén c' est on vexhåd ki m' hape les oûs (Motî d' Vervî). Les djins sont ki s' dismoirçulèt, waeraxhes come des såvadjès biesses, come les vexhåds k' touwèt totes les poyes do poli, et ndè mindjî fok ene (G. Spirito). Dj' a ene poye a-z acover Et l' vexhåd mel vout haper (rime-rame ramexhné pa J. Calozet). Loukîz a: mådrê. F. putois. >> si fé ploumer come on vexhåd: si fé bate (ås cåtes, evnd) et, sujhanmint, piede tos ses cwårs, et si rtrover come on vexhåd k' on-z a schoircî. F. se faire battre à platte couture, se faire dépouiller de sa mise. >> criyî come on vexhåd; u: ahouler come on vexhåd; u: boerler come on vexhåd k' on lyi a roté so s' cawe: gueuyî foirt. I tchantént et i xhuflént come deus bouvreus et l' Vessoude ahouléve come on vexhåd (G. Lucy). Åy, c' est mi, mins ni creye nén come on vexhåd ! Va purade cweri li ptit Batisse (G. Lucy). F. crier come un putois. >> malén come on vexhåd: foirt malén. >> noer(e) come on vexhåd: tot(e) mannet(e). Elle a rintré noere come on vexhåd (Franwal di Cerfontinne). >> sinte li vexhåd: flairer (sinti mwais). >> Bate et bate al Sint Linåd; Cawe di vî vexhåd: rime-rame des efants ki batént les coxhes di havurna po fé des canabuzes (ramexhné pa J. Thiry).

II. vexhåd, vexhåde [o.f.n. & addj., purade padvant]

1. malene djin, ki tire todi bén s' plan. N a nén pus vexhåd k' lu (Motî d' Nivele). F. rusé, futé, renard. >> des iy di vexhåd: des ouys ki mostrèt k' ene djin est malene. F. des yeux malicieux. >> avou del pacyince, on-z atrape bén les vexhåds: djeu d' mot so les deus sinses di vexhåd.

2. (traitant) onk, ene ki vesse mwais, ki flaire, k' est mannet. A l' måssî vexhåd! F. puant(e), souillon.

Etimolodjeye: latén "vissio" (flaireur, mwaijhe nodeur), cawete -åd.


Exclamation mark red.png Li rfondaedje di ç' mot ci a candjî sol Wiccionaire, et divni "vexhoes"

| vexhoe [o.n.]

1. vexhåd. F. putois.

2. ome disguijhi dins ene viye uzance di l' Årdene. >> tchessî l' vexhoe: viye uzance li mårdi del dicåce e l' Hôte Årdene

Etimolodjeye : cawete -oe (a cåze di disfondowes «vèchè» et «vèchë»).

Parintêye :