Motî:viss

viss [f.n., sins valixhance] dins l' ratourneure : al viss al vass [advierbire]

1. sins saveur la k' on va, sins tuzer. Vos n’ estoz pus èn efant ; vos dvoz sepi si l’ crapåde vos dût ; on n’ si va nén spozer insi al visse al vasse ; i s’ fåt cnoxhe, k’ on s’ hante divant çoula (D. Salme).  Loukîz: a l' avire, a l' avire a l' apoite. F. "à l’aveuglette, au hasard".

2. come on pout, nén trop bén, må, al varade, tot-z ovrant come on halcotî. Dji saya d' djåzer walon, mins al viss al vass (J. Camus). Loukîz: a l' avirance, come ci come ça. F. "couci couça, sans prétention".

3. sins mirlifitche, sins grandiveusté. Les cmeres sol soû cactèt l' alnute co pé k' des wesses, … Cial, tot l' monde vike sins nole manire, al viss al vass (J. Morayns).   Les eures passèt l' pus sovint Al viss al vass, sins rahour (J. Rode).  Loukîz a : al disgoviene. F. "à la bonne franquette, sans façon, simplement".

Etimolodjeye et tcherpetaedje

ridoblete i / a di « vass ? » (viebe « aler » a l’ atôtchî camaraedrece do prezint di l’ indicatif, cawete -ss), come tot-z oyant tote les djins vos dire « wice vass ? ».

Omofones

• visse (o.n., k’ on vistrêye)
• vice (o.n., laid difåt)
• Loukîz les eployaedje di « vass »

Sipårdaedje do mot e 20inme sieke

Coinrece payis d' Lidje

Hårdêye divintrinne

• Dipus d' racsegnes so les advierbires