Motî:waxhea

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "waxhea" est recråxhî sol Wiccionaire

Messe d' etermint avou l' waxhea
Waxhea à l' intrêye do cimintire

waxhea [o.n.] caisse di bwès k' on mete li moirt divins. Dins l' viye cimintire, on rboutéve on mete céncwante di tere sol waxhea (ramexhné pa J.J. Gaziaux). Li prumî clå a stî metou avou nosse prumî cri et l' dierin claprè sol plantche di nosse waxhea (J.L. Fauconnier). On m' aveut houkî po poirter l' bayåd avou l' waxhea dso, li djoû di l' etermint (H. Matterne). Dji veyeu mi prôpe etermint dins m' sondje et dj' esteu dins m' prôpe waxhea (R. Mathieu). Pus bea k' ça, dji n' l' a jamwais fwait, sapinse li mnujhî ki vneut d' achever l' waxhea di s' bele-mere (R. Viroux). On dit eto: lujhea, sårco. >> Les waxheas n' ont nole potche; u: gn årè nole taxhe après t' waxhea: cwand to mourrès, to n' pôrès nén prinde tes cwårs avou twè; on ndè va nén avou ses çanses. >> clå d' waxhea: a) gros clå k' on clawéve les waxheas, avou ene floriteure ådfoû. b) må ki vs va fé mori. Dj' a cwarante deus ans d' fosse, dji tosse do matén sk' å niût, et dji raetche les clås di m' waxhea (B. Genaux). I m' ont dné ene decoråcion tot m' tchûtchlotant: louke a ti: c' est on clå d' waxhea. >> dji sin mes clås d' waxhea: dji sin ki dji dvén vî, dji so tot roed.


Dipus d' racsegne so les waxheas