Motî:woeyî

Èn årtike di Wikipedia.
(Redjiblé di Motî:woeyeu)
Sauter à la navigation Sauter à la recherche

woeyî (codjowaedje)

I. [v.s.c.] dimorer del nute esprès sins doirmi (po on moirt, po danser). I woeyént dins l' måjhone d' a costé divant ene botaye di peket: li moirt ni pleut todi må d' cori evoye, don (M. Georges). On î woeyive ossu, deus côps l’ an, al dicåce; on danséve co l’ cwadrile (G. Gaussin). F. veiller.

II. [v.c.] riwaitî a ene sakî k' est edoirmou. >> woeyî on moirt: pratike did dinltins, la k' i gn aveut todi ene djin ki dmoréve del nute sins doirmi cwand gn aveut on moirt el måjhon. Cwand on woeye on moirt, on n' boet nén, dit-st i l' fås moirt å coibjhî kel woeyive; ci-cial li make avou s' mårtea, tot djhant: et cwand on est moirt, on n' vike pus !

III. woeyî so [v.c. divancetrece] riwaitî a ene sacwè, endè prinde sogne, end aveur end aveur wåde. Ossu, disk' a çki l' nute toume, Dji woeyrè so vos antineas (L. Lagauche). Li Toenne aveut woeyî 40 ans å long so les bwès do tchesturlin do viyaedje (H. Matterne). Li viyaedje avou s' vî clotchî ki woeye so ses efants Dispu cint et cwarante ans (P. Lassence).

| woeyeye [f.n.] shijhe. Li signeur priyive des madjicyins ki djouwént totes les woeyeyes divant l' aisse del såle d' åres (E. Pècheur). F. veillée.

| woeye [f.n.] shijhe. Dj' aléns al woeye a Tchîplane. Efant, on djowe voltî; pus tård c' est les treacas; Pus vî c' est co ôte tchoi... et bén sovint on rgrete Li tins k' on meteut s' shabot, l' woeye di Sint Nicolai ! (J. Vigneron). F. veille.


Parintêye: