Musée de la vie wallonne

Muzêye do Vicaedje des Walons / Muzêye del Veye walone

Foto prinjhe pås djins do Muzêye, k' a enimådjî Ene båke so les bwès d' l' Årdene

Li Muzêye do Vicaedje des Walons ou Muzêye del Veye walone (mot po mot do lomaedje oficir e francès: Musée de la vie wallonne), c' est on muzêye a Lidje avou totès viyès usteyes.

Les djins do muzêye ont bouté mwin dins l' mwin avou les rcwereus e walon, metans tot dnant des desséns po les motîs walons.

E 2010, kécfeye pol prumire feye, n a-st avou ene vizite do muzêye e walon.

Eplaidaedjes sol walon

Dispu les anêyes 1940,il eplaidèt èn apasseu "Enquêtes du musée de la vie wallonne".

C' est zels k' avént les abondroets po les motîs Haust (E1 & FE1). Cwand i vnît dins l' dominne publik, i fourît metous so les fis.

E 2015-2016, dizo l' minance da Baptiste Frankinet, il eplaidît des lives di sinteze (floricontes, toitche-linwe, replaidaedje do live di spots Meurice avou modêye odio, schoûtåve sol Daegntoele).

Dins les belès-letes e walon

Tot l' roman «On-z a hapé Popol» da Jacques Warnier s' î passe. Did la, li discrijhaedje di toplin des racwéns do muzêye.

Hårdêye difoûtrinne

(fr) Pådje moennrece del waibe do muzêye