Nåke

nåke sol Rén k' on voet bén s' plat fond

Ene nåke, c' est batea d' mouze, å on plat fond.

I sieve aprume a tcheryî des martchandijhes.

Etimolodjeye

Li mot vént do mîtrin neyerlandès «naecke», k' a l' minme sinse et ki vént lu-minme d' on vî mot tîxhon ki vout dire «batea». Li minme mot a dné, pa sbetchaedje, li neyerlandès d' asteure «aak».

Discrijhaedje

Les nåkes n' ont pont d' cabene.

Mins asteure, gn a des nåkes al cabene, pår po-z î lodjî (nåke di plaijhance).

Les ptitès nåkes avént des vweles. Asteure, ele sont poûsseyes pa des moteurs.

• 
  nåke å såvlon (padvant)
• 
  nåke di plaijhance
• 
  nåke ås contneus

Sôres di tcheriaedjes

• grossès pires des cårires d' åd dilong d' Mouze. Did la li fråze do motî Forir :

Mes pires di Nameur ont-st arivé so ene nåke.

• des graevîs ki vnèt d' on dragaedje.
• del tchåsse. Did la li fråze do motî Haust :

Li nåke al tchåsse arivéve d' e-n amont toprès d' Tcheråvoye.

• do såvlon
• des contneus

Istwere

Li tcheriaedje so des nåkes a stî concurincî på tchmin d' fier a pårti del fén do 19inme sieke. Adonpwis, pås camions dins l' deujhinme mitan do 20inme sieke.

Gnè dmeure des grossès nåkes ki tchereynut les contneus so l' Aiwe di Rén. Cesses-lales ont-st on ro (cabene) å cou do batea.

• 
  nåke do Rén ås contneus
• 
  pareymint
• 
  co ene sifwaite