Noû-norvedjin
Nynorsk
Li nynorsk, ratourné platezak e « noû-norvedjin » e walon, c' est l' ene des deus ortografeyes rfondowes do norvedjin.
Definicion
[candjî | candjî l’ côde wiki]Li noû-norvedjin vént do landsmål, k' est ene viye manire d' escrire e norvedjin.[1] Il est ricnoxhou tot-z estant ene varyisté oficire dispoy 1885.[2]
Li noû-norvedjin rote come li rfondou. Ci n' est k' ene ortografeye. Les deus ont ene môde di prononçaedje erîlé, mins nolu n' el uze. C' est puvite po-z aspaler les aprindisses.[3]
Istwere
[candjî | candjî l’ côde wiki]El ci k' a werké dsu, c' esteut Ivar Aasen. Il a moenné ene grande estude di coirpusse, tot voyaedjant dins l' payis e rashonnant les diferinnès cognes des diyalekes k' i trovéve. I pinséve voltî k' el manire di cåzer al campagne ît pus djondante do vî-norvedjin k' el môde di djåzer dins les veyes.[1]
Des norvedjins ont asprové d' erfonde li boucmål avou l' nynorsk. Li pordjet a stî metou mwints côps sol costé : metans e 1960, pus e 2002.[1][4]
Uzance
[candjî | candjî l’ côde wiki]Ci rfondou ci est foiravant uzé å Coûtchant del Norvedje. Adon k', å pus sovint, c' est l' boucmål k' est inmé ostant ayeur.[5] Asteme ki l' boucmål eyet l' nynorsk sont deus rfondowès ortografeyes do norvedjin. Do côp, ces deus rfondous la n' sont nén deus diferins lingaedjes.[6]
Referinces eyet sourdants
[candjî | candjî l’ côde wiki]- ↑ 1,0 1,1 et 1,2 https://norwegianlanguagelearning.no/post/nynorsk/
- ↑ https://norla.no/en/nobel-prize/jon-fosse/nynorsk-explained
- ↑ https://www.ntnu.edu/now/intro/background-norwegian
- ↑ https://www.britannica.com/topic/Samnorsk
- ↑ https://web.archive.org/web/20210709181526/https://www.studyinnorway.no/living-in-norway/language
- ↑ https://norwegianacademy.com/nynorsk-or-bokmal/