Nute

Pol discramiaedje des årtikes avou l' mot « Nute », loukîz cial.

Nute

Li nute ou niût (e walon do Mitan, nêt, nait), c' est l' pårteye do djoû d' 24 eures la k' i n' lût pus l' solea. L' ôte pårteye est lomêye li djoû.

Li nute atake a l' anuti.

Après, on-z a li shijhe (ou screne, ou swerêye, ou woeye), la k' les djins sont co dispiertés.

Å mitan del nute, gn a meynute, li bén lomêye.

Djusse après, c' est "meynute meyzeure" ou "nole eure å matén" (inte 0 eure et 0 eure 30). Adonpwis, c' est "ås ptitès eures".

Li fén del nute kimince ås aireures do djoû. Li nute est houte al pikete do djoû.

Durêye del nute

El dimeye-bole bijhrece, li pus longue nute, c' est li 21 di decimbe. Houte do Ceke polåre artike, i fwait nute tote djoû.

Li pus coûte, c' est 21 di djun (todi el dimeye-bole bijhrece).

Dipus k' on s' aprepeye di l' Ecwateur, dipus k' les nutes sont del minme longueur, tot åd dilong d' l' anêye.

Nutes a pårt

• Nute di Noyé, la k' on ratind matene
  • El nute påjhûle (tchanson)
• Nute del novelan
• Nute des Rwès
• nute di may (Sint-Valintén walone)
  • Li nute di may