Oû d' Påke

Pol discramiaedje des årtikes avou l' mot « oû », loukîz cial.

Pol discramiaedje des årtikes avou l' mot « Påke », loukîz cial.

Les oûs d' Påke u cocognes u oûs do cok, c' est des oûs cûts deurs k' on a tindou u gåyoté divant l' dimegne di Påke, et k' on mucheye dins les cortis li dimegne di Påke å matén, et leyî ls efants cweri après.

Mins gn a eto ene dujhance di mete, estô, des oûs d' tchocolåt.

• 
  tindaedje ås peletes d' agnon
• 
  oûs cûts deurs tindous (hintche) et nén tindous
• 
  oû d' Påke trové
• 
  ramassaedje des oûs d' Påke (di tchocolåt)

Did dou vnèt les oûs d' Påke?

Oûs d' Påke; li ci d' hintche figueure li lapén d' Påke

On dit k' c' est les clotches di Rome k' els ont leyî tchaire tot rivnant d' leu voyaedje (les clokes des eglijhes ni sounnut pus dispu l' blanc djudi pask' ele sont-st evoye a Rome cweri ces oûs la).

On ôt dins ene tchanson d' Måmdiy:

So les clokîs di nos cités
Les clokes di Rome ont raspité.

Oudon-bén k' c' est l' cok k' els a ponou (oû do cok).

Dins l' Payis d' Måmdiy, ey eto e l' Grande Dutcheye et dandjreus e l' Almagne, c' est l' lapén d' Påke ki ls a apoirté. Dins l' minme tchanson d' Måmdiy, on dit:

Li lapén d' Påke est tot foû d' lu;
Poirter des oûs, i ndè pout pus

Tchocaedje oûs d' Påke

Cwand les efants ont trové les oûs cûts deurs, i s' amuzèt cobén a les tchoker onk conte l' ôte, come dit dins l' minme tchanson d' Måmdiy:

Cweroz ls efants; i sont catchîs
Cwand vs les åroz, les fåt ketchî.

• 
•