Omer do Toetlî

Èn årtike di Wikipedia.

Omer do Toetlî[1], c' est l' riwalnijhaedje do no da Omar Xhayyâm (di s' plin no : Rhiyath-addin Abulftouh Omar ben Ibrahim al-xhayyâm, غياث الدين أبو الفتوح عمر بن إبراهيم الخيام), on scrijheu et sincieus piersan.

I sereut vnou å monde li 18 di may 1048 a Nichapour el Pierse (l' Iran d' asteure). Il î a morou li 4 di decimbe 1131.

Rilomêye[candjî | candjî l’ côde wiki]

Omer do Toetlî esteut eto matematikî, filozofe, et astronome-asterloke.

Il est cnoxhou po-z awè vanté l' boevaedje do vén dins ene ramexhnêye di cwatlins (powinmes di 4 vers).

Li live n' esteut nén cnoxhou avår ci, disk' a çk' on editeu inglès del fén do 19inme sieke el ratournaxhe e-n inglès. Li live ni s' vinda nén, aprume. Mins on bea djoû va-z è vey pa ké sint – gn ava ene vraiye fouke po ci scrijheu la, e l' Inglutere, pu totavå l' Urope. C' est di ç' tins la k' on-z a cmincî a lomer les gaméns « Omer ».[2]

Hårdêye divintrinne[candjî | candjî l’ côde wiki]

Les cwatlins Omer do Toetlî

Sourdants[candjî | candjî l’ côde wiki]

  1. Li Rantoele 70, esté 2014; riprins di "Omêr du Tantlî" (Lucyin Mahin, 1981, eplaidî dins Singuliers, 1/1995
  2. Amin Maalouf, dins l' roman «Samarcande».
Commons
Commons
I gn a so les cmons Wikipedia des imådjes ou fitchîs son a vey avou Omer do Toetlî .