On cokea å solea (binde d' imådjes)

Coviete

El Djan (li vraiy) avou l' «cokea» a costé

On cokea å solea (In coquia au solia), c' est ene binde d' imådjes sicrîte pa Jean Goffart et dessinêye pa Jean Raes, k' a vudî e 1989.

Li coviete est e coleurs, mins, ådvins, c' est do noer et blanc.

Li live a stî saetchî a 2000 egzimplaires.

Tinme

Li binde raconte li spoûle d' on djonne prezinteu d' radio ki toume « båbe a båbe » avou l' båshele di l' emir di Ras Al Katbras, e vacances di nive dins l' Noer Payis, la ki s' pa a vnou a scole divins l' tins. Et nosse Djhan (li ptit no eto do scrijheu) esse egadjî po-z aler amonter låvå ene sitåcion d' radio.

Li binde d' imådjes a stî ecwårlêye e pårteye pa des rclames di des måjhones di handele do payis d' Tchålerwè, riprinjhes dins l' live, emey les desséns u les bouyotes.

• 
  imådje avou des rclames po les aspaleus
• 
  uzaedje di mots nén corants (asmala)

Prezintaedje

Ça s’ passe a Djerpene.

C’ est l’ ivier. Il a bråmint nivé del nute. Djan, k’ est animeu so ene radio do payis, endè va bouter.

Mins, vo n' la-t i nén k’ il a èn accidint d’ vweteure avou ene grosse oto. Gn a èn ome k' è dischind et lyi dit k’ il est l’ tchåfeu do chixh « Amed as Bawêt » k’ est e mission po-z atchter ene rafinreye. Leus tecnicyins el vénront dismantchî po li rmonter e l' Arabeye.

Tot s’ passe bén inte les deus omes et l’ chixh est télmint binåjhe d’ aprinde ki Djan fwait del radio k’ i l' preye e l' Arabeye po-z è mete ene pareye so pî. Ele si lomrè : radio RFS (Radio Frecwince Samsufiraco).

Djan ndè va, e leyant la Birdjite, si comere. Va-t i raler a messe (abandner s' mayon) ou nén ? Ca gn a deus belès djonnetes ki tournèt après lu låvå.

Les persounaedjes

• Djan, li radiowisse
• Amed as Bawete, li chixh
• Fatima, li feye do chixh
• Aride, li tchåfeu
• Birdjite, li comére da Djan
• Mirna, li sour da Fatima
• Abdoul ben Saya, l’ emir
• Salima, li feye d' on minisse

Rilomêye

C' est l' prumî live d' imådjes eplaidî come té, kel sinnario a stî fwait pår e walon, sins esse ratourné d' on sfwait live e francès.

Hårdêyes difoûtrinnes

Scanaedje do live

• Prumire mitan
• Deujhinme mitan