Oronde

Pol discramiaedje des årtikes avou l' mot « Oronde », loukîz cial.

Ene oronde, c' est èn oujhea passant, ki rvént å bontins, et-z eraler a l' erî-såjhon, pa volêyes.

Famile : Orondîs (hirundinidae)

Ôre des des soverdiyîs (pasrifômes).

Sôres d' orondes

Gn a troes sôres d' orondes el Walonreye :

• oronde di tchminêye ou oronde di cina ou oronde di ståve ou oronde di clotchî ou oronde ås cizetes ou oronde di trô ou noere oronde (Hirundo rustica)
• oronde di fniesse ou oronde di vite ou oronde di veye ou pitite oronde ou terinea (pacô eto : blanc-cou ou tchirou, des emacralés mots) (Chelidon urbica u Delichon urbicum)
• oronde d' aiwe ou oronde di rivaedje (Cotyle riparia)

Mins ôte pårt sol Daegne, gn a bråmint des ôtes sôres d' orondes.

Waitaedje des orondes po saveur li tins

Si les oronds volèt hôt, c' est sene di bon tins; cwand ele volèt bas, c' est sene di plouve.

Doûcès creyances

Ene oronde, ça poite bouneur.

I n' fåt nén distrure les nis d' aronde : ça poite måleur.

Dins l' lingaedje walon

On cnoxhe li spot «ci n' est nén ene oronde ki fwait l' prétins»