Ostaedje

Èn ostaedje, c' est ene djin k' est apiceye pa on moudrél :

• soeye-t i po s' disfinde d' ene atake del police.
• soeye-t i po l' reclôre, et dmander ene rançon.

Li rvindaedje des ostaedjes, c' est onk des moyéns di s' ecwårler po l' grande bandeyreye eyet l' terorisse.

Sitouwåcion e sacwants payis

El Colombeye, li prindaedje d' ostaedjes, c' est ene môde. E 2007, n åreut bén 4.300 ostaedjes. Ladvins, end åreut 1.100 ratnous pås FARC eyet 510 po l' "Årmêye di Liberåcion Nåcionåle" (ELN), di clintcha guevarisse. Les FARC ont declaré 58 ostaedjes politikes, reclôs po-z esse discandjîs disconte di prijhnîs da zels, resserés på govienmint. Les "Unités d' otodisfinse di Colombeye" (AUC), des milices paramilitaires del foite droete, årént eto 509 djins dins leus gayoles. Li restant, i sont reclôs po esse "rivindous" crapuleuzmint ås familes .

Rilomés ostaedjes

• Ingrid Betancourt
• li pus grande prinjhe d' ostaedjes di tos les tins, ci fourit e 1964, e Congo-Yopôlveye, tins del revintreye des Simbas; end a yeu 24 k' ont morou al riconcwesse di Stanleveye pa les paras bedjes.