Spale (oxhea)
L' oxhea del sipale, k' on dit eto l' omoplate, c' est on plat oxhea plaké so li dzeu do dos, et ki s' adjond a l' tiesse di oxhea do bresse, tot fôrmant li djonteure del sipale.
C' est la eto k' il est sotnou pal clavete ås djins, mins nén dins les biesses ås tetes ås cwate pates.
Discrijhaedje
[candjî | candjî l’ côde wiki]
Sol costé ki s' rashit sol dos,l'oxhea est plat, ene miete cåvlé.
Sol difoûtrin costé, gn a ene cresse ki court tot do long do grand costé, e mintan di l' oxhea, li cresse di l' omoplate. Si role est d' rafoirci l' oxhea, a môde d' on bwès so tchant e mnujhreye, ki sereut clawé long e mitan d' ene plake.
Sol dibout di cisse cresse la, addé l' djonteure, gn a on rafoircixhaedje po-z ateler sacwants musses, l' acramion.
Ås tchets, gn a minme ene sititche so l'acromion, li paracromion, ki permete ås inspecteurs des tchås di ricnoxhe ene carcasse presse po-z esse cûte po do lapén.
Maladeyes di l' oxhea del sipale
[candjî | candjî l’ côde wiki]Li dispalaedje, c'est l' displaçaedje di l' oxhea del sipale d' avou les coisses do dos.
L' omoplate si pout eto sketer, mins c' est pus råle ki po les longs oxheas.
Eployaedje
[candjî | candjî l’ côde wiki]L' oxhea del sipale, avou les tchås k' i gn a åtoû et li dzeu del pate di dvant va fé on djambon di sipale (kitaeyaedje do pourcea).
E mangonreye, dizo li spale, c' est li spiringue ou coisses å spiringue.
L' oxhea del sipale, so s' plat costé, a siervou come sopoirt di scrijhaedje. Les pus viyès modêyes di l' Alcoran ont stî scrîte so des spales di chamos.