Pénson d' fagne

Li pénson d' fagne u fagnård u pénson d' ivier u pénson d' Årdene u caikeuk, c' est on pénson avou des moens blawiantès coleur ki l' pénson ordinaire, ki dmeure dins des pus froeds payis.

Sincieus no d' l' indje : Fringilla montifrigilla

Spårdaedje

I va-st acover dins les froeds payis di l' Urope et l' Azeye (Escandinaveye, Sibereye).

I vént ivierner dins les timperés payis. I n' passe don nén l' Tropike do Crantche. E l' Afrike, on nel voet k' e l' Afrike bijhrece.

I n' est on dmorant ki dins les fiors di Norvedje.

• 
• 
  ses oûs (fok ezès froeds payis)

Dins les belès-letes e walon

Divins l’ live «Avå trîxhes et bwès», da Jean Lejeune di Djoupeye, e l’ paskeye « Tarame l’ agaesse », li pénson d’ fagne si prezinte insi.

Dji n’ so nén ossu nozé ki l’ pénson. Dji n’ a cåzu sol coir k’ ene pitite tchirwete di noer, mins waire si noere ki l’ cene d’ on coirbå. Li djaene di so mes vaneas n’ est gote si bea ki l’ djaene d’ on betche-fier, et m’ croupion est moens blanc ki l’ ci d’ ene agaesse. Mins dj’ a do coraedje a rvinde.

Mi tchant ravize on breyaedje di tchet k’ on fole si pate. Portant cwand dji tchesse å ni ou k’ dji bate a covaedje, dj’ a-st on bea ptit ramaedje d’ amour.

ramaedje d' amour inte måye et frumele

Si dji m’ enairixh, c’ est djourmåy avou ene grande kipagneye di mes frés. Nos fjhans adon des tournêyes come les colons ou les sprewes.

Dji fwai m’ niyêye al copete d’ on hôt sapén.

Å prétins, dji m’ fôre ås hårpixhs des åbes. Di l’ esté, dji magne des grins et des halenes ; å waeyén-tins, des såvadjès sminces, et çou ki dj’ trouve e l’ ivier.