Amon Laca (tchanson)

Pôve tiesse, lomêye eto Amon Laca, c’ est ene rilomêye tchanson da Guy Cabay (cåzaedje, air et tchantaedje).

Elle a stî fwaite e 1978. Pi resse rimetowe sol sitroete plake « the biesse tof » (diviè 1995).

Tinme

l est dné dins l’ prumire fråze :

A foice di m' escoler pask' i faleut tot cnoxhe po viker, on m' a hati l' cervea.

Adon vént tote ene riguilete di sinonimes po mostrer åk k' est cou dzeu cou dzo.

Insi, c' est ene critike di l' acsegnmint "bôratif", ki les parints voeyént voltî et les mwaisses pratiker el deujhinme mitan do 20inme sieke.

Cåzaedje

I.

A foice di m' escoler pask' i faleut tot cnoxhe po viker,

on m' a hati l' cervea.

N a-st ene årmêye d' idêyes ki moennèt bacara, sins s' arester,

Dj' a l' tiesse come on saeyea.

Resploe

Dji croe k' il î fwait co pé k' amon Laca (sacwants côps)

II.

A! ké tricbale !, a! ké micmak ! a! ké vôtion!

A! ké bazår! a! ké cayon!

A! ké maxhisse! i m' shonne ki m' tiesse a mezåjhe d' on bon côp d' ramon.

Resploe

Dji croe k' il î fwait co pé k' amon Laca (sacwants côps)

Asteure il î fwait co pé k' amon Laca (sacwants côps)

III.

Pôve tiesse, a t' voleur trop bén fé, on t' a goirdjî, disca t' fé peter

D' ene kiriyele d' amålvåts.

Faleut tot ahopler, tot etonler, n' rén leyî passer;

Faleut-st infler l' cervea... et co on pô pus, et co on pô pus.

Resploe

Asteure il î fwait co pé k' amon Laca (sacwants côps)

A ké tricbale !, a ké micmak ! a ké vôtion! a ké bazår! a ké cayon!

A ké maxhisse! i m' shonne ki m' tiesse a mezåjhe d' on bon côp d' ramon.

Dji croe k' il î fwait co pé k' amon Laca (sacwants côps)

Asteure il î fwait co pé k' amon Laca (sacwants côps).

Muzike

Li stîle Gui Cabay si voet på repetaedje do resploe, ki sereut covite taenant s' i n' esteut nén sotnou pa ene muzike a môde braezilyinne.

Corwaitaedje

(fr) Baptiste Frankinet, Wallon ou portugais? «Pôve tièsse» de Guy Cabay; Wallonnes 3/2017 p. 9-13

Hårdêye difoûtrinne

Mwaisse tchantaedje