Aller au contenu

Pårti Bedje do Boutaedje

Èn årtike di Wikipedia.
(Redjiblé di PBB)

Parti du Travail de Belgique / Partij van de Arbeid van België

Pårti Bedje do Boutaedje
Prezintaedje
Askepiance 1979
Coleur politike Rodje
Prezidint Raoul Hedebouw
Payis/

Redjons

Beldjike

- Redjon d' Brussele

- Flande

- Walonreye

Li Pårti Bedje do Boutaedje, ki l' no oficir e francès, c' est Parti du Travail de Belgique ey e neyerlandès Partij van de Arbeid van België, c' est on pårti k' est spårdou dins cåzumint tote li Beldjike. Mins il bråmint pus di vwès e l' Walonreye ey a Brussele k' e l' Flande.

Il est rwaitî sovint come on pårti d' gåtche. Kécfeye ossu come on pårti d' foite gåtche, veyanmint k' i disfindèt ene ideyolodjeye comunisse (marsisse).

Istwere[candjî | candjî l’ côde wiki]

Li Pårti Bedje do Boutaedje a-st askepyî e 1979, al shûte des mouvmints des studiants tins des anêyes 1960 (May 68). Ça fwait ki ç' pårti la a-st erité d' ene avuzion marsisse-leninisse do comunisse, avou sacwantès influwinces maoyisse eyet stalinisse. Mins nerén, asteure, li pårti saye di fé dfiner ces influwinces la.

Dispoy les anêyes 2010, li PBB ragregne bråmint des vôtaedjes.

Rilomés djins[candjî | candjî l’ côde wiki]

Vicant[candjî | candjî l’ côde wiki]

Revoye[candjî | candjî l’ côde wiki]

Mouvmints aloyîs[candjî | candjî l’ côde wiki]

Comac[candjî | candjî l’ côde wiki]

Li Comac, ubén li Comité d'Action Communiste ([WA] Comité d' Accion Comunisse), c' est on mouvmint d' djonnes. Il est prezint dins des univiersités eyet des hôtès scoles bedjes : l' Univiersité d' Mont, paregzimpe.

Il aveut skepyî e 2001, do rabindlaedje di deus mouvmints : li MML ([FR] Mouvement marxiste léniniste - [WA] Mouvmint marsisse leninisse) eyet Rebelle ([WA] Carcan).

Marianne[candjî | candjî l’ côde wiki]

Troke feminisse do pårti.[1]

Medcéns pol peupe[candjî | candjî l’ côde wiki]

I s' adjixh d' ene orgånizåcion raloyeye å PBB, askepieye pa Sofie Merckx.

Pionniers[candjî | candjî l’ côde wiki]

Mouvmint do PBB po les efants.[2]

RedFox[candjî | candjî l’ côde wiki]

Dins l' minme djinre k' el Comac, gn a l' RedFox, k' est ossu on mouvmint d' djonnes, mins po les cis etur cwatoize eyet dijh-ût ans.[3]

Polemike[candjî | candjî l’ côde wiki]

E decimbe 2019, Peter Mertens, prezidint do PBB, a rescontré Tom Van Grieken, li prezidint do Vlaams Belang. I dveut passer avou lu al tévé dins l' emission del VRT, "De Zondag". Çoula a maké sacwants politikîs walons, come Denis Ducarme u co Ecolo[4].

Idêyes so l' adjinçnaedje del Beldjike[candjî | candjî l’ côde wiki]

Li PBB a purade on calpén beldjikin (ataetchî a l' unité del Beldjike). Ça fwait: li pårti ni sereut waire assaetchî viè on confederalisse (refoircixhaedje des povwers des redjons).[5]

Referinces eyet sourdants[candjî | candjî l’ côde wiki]

  1. https://www.ptb.be/pres_de_chez_vous
  2. https://pionniers.be/
  3. https://web.archive.org/web/20201026035325/https://fr.redfox.be/qui-sommes-nous
  4. https://www.lesoir.be/268702/article/2019-12-23/denis-ducarme-sur-la-photo-polemique-le-ptb-est-aussi-dangereux-que-le-vlaams
  5. Samuël Dumont, Vôtaedjes di 2024, Li Rantoele l° 106, p. 5.