Palonaedje

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "palonaedje", alez s' vey sol Wiccionaire

montants, coron d' on poûssåd, lisses; plake e walon "padrî les meurs" (Måmdey)

On meur di palonaedje, c' est on meur di måjhon, fwait avou ene tcherpinte di bwès.

Discrijhaedje[candjî | candjî l' côde wiki]

So les fondåcions, on fjheut on ptit murea, 80 cm hôt, pu mete dissu on gros sômî k' on loméve li soûmint. Adon li murea padzo, on djheut li sorsoûmint.

Adon emantchî l' tcherpinte di bwès, avou les bwès dressîs lomés les montants ou pilés.

Po lzès sotni, a dmey-sicwere, les poûssåds (eto : boutants, loyéns)

Inte les montants, metous roydicirmint, les lisses.[1]

D' ene lisse a l' ôte, il dressént des bwès come des båreas d' schåle, lomés palmints ou palons ou palis ou veloûte, d' on mete hôt. C' esteut åk k' i fjhént avou des côrîs u do tchinne, mins djusse les méfintes.

Pu on fessive des coxhes: ele n' estént nén belzè droetes come les cenes des plafonaedje. Pus tård, on-z a prins des lates di bwès.

Après, i plaként del tere, del tchåsse, do moirtî d' foite tere (diele). Dins les payis k' i gn a pont d' diele, i metént des brikes.[2]

Sourdants[candjî | candjî l' côde wiki]

  1. ALW 4 p. 32-40.
  2. Raymond Ménager et Louwis Baidjot, cassete Lucien Mahin lº 15b