Plaece (tchambe)

Èn årtike di Wikipedia.
Pol discramiaedje des årtikes avou l' mot « plaece », loukîz cial.

Po des linwincieusès racsegnes sol mot "plaece", alez s' vey sol Wiccionaire

Ene plaece, c' est, dins ene måjhon ene enité avou cwate meurs et èn ouxh, ki sieve a avirer li grandeur (et l' valeur) do manaedje.

Motlî[candjî | candjî l’ côde wiki]

Dins les måjhon a èn astaedje, on djåze di plaeces-bas et di plaeces-hôt. On direut, boutans po ene riclame di notåre: a vinde bea manaedje avou deus plaeces-bas et troes plaeces-hôt.

Si on vout ragrandi ene måjhon, on dit k' on va rfé des plaeces. Å ré d' flache tot rbastixhant, u metans tot fjhant des inte-deus dins on gurnî.

Sôres di plaeces[candjî | candjî l’ côde wiki]

Dins les måjhons did dinltins, el campagne, el Walonreye, on loméve sovint les plaeces insi:

  • li bele plaece u tchambe (eto, dins les måjhons did dinltins: li tchambe al take, li pele).
  • li måjhon: li plaece avou li tchminêye la k' on dmoréve, et coujhner, et magnî.
  • li tchambe-divant; li tchambe-dirî, dins les pus gros manaedjes. Li tchambe-divant est metowe tot l' long do tchapå (colidôr d' intrêye avou deus ouxhs).
  • li ptite plaece, la k' on fwait l' bouwêye, u totès sôres d' ovraedjes; motoit eto la k' gn aveut l' tchiyote, å cminçmint des raiwires divintrinnes.
  • les tchambes a coûtchî.

Dins les nouvès måjhons, on djåze purade do livigne, del coujhene, del såle a mindjî, des côps sins meurs inte di zels, ou djusse on murtea.