Plake lazer
Ene plake lazer c' est ene plake ki les dnêyes sont léjhowes avou on rai lazer.
Etcherpetaedje d’ ene plake lazer
[candjî | candjî l’ côde wiki]C’ est on rond, 12 cm lådje et 1,2 mm sipès, avou on trô å mitan po l’ ahavter sol lijheuse. Il est fwait di cwate léts :
- li soûmint d’ plastike ki leye passer l’ loumire. C' est pus spesse des coûtches.
- li lét d’ metå, ki rglatixh li rai lazer.
- ene coûtche di vierni.
- ene coûtche di papî avou l' tite del plake.
Sôres di plakes lazer
[candjî | candjî l’ côde wiki]End a di sacwantès sôres diferinnes.
Plakes lazer di prumire djermêye
[candjî | candjî l’ côde wiki]C' est des plakes lazer k' ont aparexhou dvant les anêyes 1990; ele ont stî fwaites aprume po siervi d' sopoirt po del muzike ou des programes infôrmatikes; li Laserdisc esteut ene lådje plake, fwaite po-z î mete del videyo analodjike, mins i n' a nén reyussi a prinde li plaece des videyos VHS.
- les Compact disc (CD):
- sitroete plake u CD-Audio, (plake lazer odio)
- CD-ROM (plake lazer infôrmatike)
- les Laserdisc
- les plakes magneto-optikes
- Ultra Density Optical (plake lazer a ultra-dinsité)
Plakes lazer di deujhinme djermêye
[candjî | candjî l’ côde wiki]Il ont stî fwaits dins les anêyes 1990, eyet ont bråmint di pus di capacité, çou ki fwait k' on-z î pout mete del videyo di hôte cwålité.
- Minidisc
- DVD (plake lazer videyo)
- Digital Multilayer Disk
- DIVX (Digital Video Express)
- Fluorescent Multilayer Disc
- GD-ROM
- Phase-change Dual
- Universal Media Disc
Plakes lazer di troejhinme djermêye
[candjî | candjî l’ côde wiki]Des plakes lazer ki sont diswalpêyes dins les anêyes 2000, avou co pus di capacité, tot djouwant sol wachlire do lazer, ou avou l' troejhinme diminsion.
- plakes a bleu lazer
- plakes olografikes
- HD DVD
- ...