Bleu pexhon

Li bleu pexhon^[1], c' est on pexhon d' mer d' ene bleuwe coleur.

Sincieus no d' l' indje : Pomatomus saltatrix

Spårdaedje

Dins les tchôdès aiwes di l' Oceyan atlantike et des mers k' î sont raloyeyes (Mîtrinne Mer, Noere Mer). Mins eto e l' Amerike, l' Azeye nonnrece, l' Ostraleye.

Discrijhaedje

Li naivuron del schene a set a ût sipenes sol dos, pu 23 a 26 reyons padrî.

Li naivuron do vinte a deus spenes eyet 23 a 27 reyons.^[2]

I fwait å pus sovint 4 a 5 kilos, po 50 a 70 cm di long. Mins des côps i pout mzurer disca on mete et co hay.

Vicaedje

C' est on pexhon magneu d' tchå ki tchesse e bindes, tins del djournêye, åd dilong des coisses. Mins i pout intrer dins les egoloes des mouzes. I cwite rålmint li binde coistrece pol hôte mer.

Il est foirt hagnûle, et pout minme hagnî les djins.

Uzaedjes

Il est pexhåve. Mins on nel pexhe nén tocosté. Les gros pexhaedjes si fwaiynut å Senegal, å Braezi, el Tourkeye, ezès Stats Unis (waitîz sol mape).

Å Marok dins l' payis Haha, divinltins, il esteut côpé a trintches, cût e for, pu souwé, et adon si poleur wårder lontins assez po-z esse vindou so les martchîs disca bén lon des coisses.^[3]

discôpaedje e trintches
cujhaedje al paile

Sourdants

Commons

I gn a so les cmons Wikipedia des imådjes ou fitchîs son a vey avou l' bleu pexhon .

↑ Calcaedje di l' inglès «bluefish» ene tcherpinte k' on rtrouve eto dins sacwants ôtès langues.
↑ Gabriella Bianchi, Guide des ressources halieutiques de l’Atlantique marocain, FAO, Rome, 1984, p. 35.
↑ Guide bleu Hachette du Maroc, 7inme ed., 1950, p. 202.

[1] Calcaedje di l' inglès «bluefish» ene tcherpinte k' on rtrouve eto dins sacwants ôtès langues.

[2] Gabriella Bianchi, Guide des ressources halieutiques de l’Atlantique marocain, FAO, Rome, 1984, p. 35.

[3] Guide bleu Hachette du Maroc, 7inme ed., 1950, p. 202.

[1]

[2]

[3]