Pwintaedje des tchômeus

Èn årtike di Wikipedia.
Sauter à la navigation Sauter à la recherche

Li pwintaedje des foû-posse (u tchômeus), c' esteut l'obligåcion po les foû-posse, di s' prezinter dins leu buro d' pwintaedje po mete on catchet so leu cwåte di pwintaedje.

El Beldjike, ci courreye la a cmincî e 1936. A ç' moumint la, les tchômeus divént aler pwinter tos les djoûs, po poleur aveur leu tchômaedje.

E 1957, les pre-pinsionés et les foû-posse po nén lontins ni dvît pus aler pwinter.

E 1980, on-z a radjouté ås nén pwinteus les cis k' avént des rujhes e leu måjhon u ôte pårt. Pu, on-z a co recråxhî les djivêyes des escuzés, disk' e 1991. Adon, les "bineus" n' ont pus dvou aler pwinter ki deus côps l' moes.

E moes d' decimbe 2005, ça a stî les dierinnès convoyes di pwinteus. A conter do 17 di decimbe 2005, li controle des foû-z-ovraedje si frè electronicmint. Li cwåte di tchômeu, la k' les foû-fosse metént leus dates di condjî et d' maladeye, serè-st evoyeye direk å Buro k' elzî paye leu tchômaedje.